شام میں امریکی اتحاد کا حملہ، 7 بچوں سمیت 32 شہری جاں بحق

دمشق: شام میں امریکی اتحاد کے حملوں میں 7 بچوں سمیت 32 عام شہری جاں بحق ہوگئے۔

شام میں انسانی حقوق کے لیے کام کرنیوالی تنظیم سیرین آبزرویٹری نے کہا ہے کہ امریکی اتحاد کے حملوں میں 7 بچوں سمیت 32 عام شہری جاں بحق ہوگئے جبکہ متعدد افراد زخمی بھی ہوئے، ان حملوں میں عراقی سرحد کے قریب 9 داعشی دہشت گرد بھی ہلاک ہوئے۔

انسانی حقوق کے لیے کام کرنیوالی تنظیم سیرین آبزرویٹری کے مطابق 24 گھنٹوں کے دوران دیرالزور میں کی گئی کارروائیوں میں کئی افراد زخمی بھی ہوئے ہیں، بہت سے لوگ ملبے تلے دب گئے۔