پیپلزپارٹی کا سرکاری ملازمین کی تنخواہیں نہ بڑھانے کا معاملہ اسمبلی میں اٹھانے کا فیصلہ

ویب ڈیسک  جمعـء 14 جون 2013
 اپوزیشن کی جانب سے کٹوتی کی تحاریک بھی لائی جائیں گی جب کہ  بجٹ کی منظوری جون کے آخری ہفتے میں متوقع ہے۔ فوٹو: اے پی پی/ فائل

اپوزیشن کی جانب سے کٹوتی کی تحاریک بھی لائی جائیں گی جب کہ بجٹ کی منظوری جون کے آخری ہفتے میں متوقع ہے۔ فوٹو: اے پی پی/ فائل

اسلام آباد: پیپلز پارٹی نے سرکاری ملازمین کی تنخواہیں نہ بڑھانے کا معاملہ قومی اسمبلی میں اٹھانے کا فیصلہ کیا ہے۔

قومی اسمبلی کا اجلاس کل صبح گیارہ بجے شروع ہو گا، قائد حزب اختلاف سید خورشید شاہ بجٹ پر بحث کا آغاز کریں گے جس کے لیے طویل تقریر تیار کر لی گئی ہے، خورشید شاہ وفاقی وزیر خزانہ اسحاق ڈار کی بجٹ تقریر کے دوران پیپلز پارٹی کی حکومت پر کی گئی تنقید کا جواب بھی دیں گے، قومی اسمبلی کا بجٹ اجلاس اتوار کو بھی جاری رہے گا جس کے لیے ملازمین کی چھٹیاں بھی منسوخ کر دی گئی ہیں، اپوزیشن کی جانب سے کٹوتی کی تحاریک بھی لائی جائیں گی جب کہ  بجٹ کی منظوری جون کے آخری ہفتے میں متوقع ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔