پریانکا چوپڑا اور نک جونسن نے شادی کرلی؟

ویب ڈیسک  پير 22 اکتوبر 2018
پریانکا چوپڑا اور نک جونز کئی دنوں سے امریکی شہر لاس ویگاس میں موجود ہیں۔ فوٹو:فائل

پریانکا چوپڑا اور نک جونز کئی دنوں سے امریکی شہر لاس ویگاس میں موجود ہیں۔ فوٹو:فائل

 ممبئی: رنویر اور دپیکا نے تو شادی کی تاریخ بتادی تاہم کہا جارہا ہے کہ پریانکا اور نک جونسن بھی خفیہ طور پر شادی کرچکے ہیں۔

بھارتی اداکار رنویر سنگھ اور دپیکا پڈوکون نے تو گزشتہ روز اپنی شادی کی تاریخ بتادی جب کہ پریانکا چوپڑا اور گلوکار نک جونسن کی شادی کے حوالے سے خبریں تھیں کہ دونوں اداکار نومبر میں شادی کے بندھن میں بند جائیں گے تاہم اب بھارتی میڈیا کا کہنا ہے کہ دونوں نے خفیہ طور پر شادی کرلی ہے۔

اس خبر کو بھی پڑھیں : پریانکا چوپڑا اورنک جونز کی شادی تاخیر کا شکار

بھارتی ویب سائٹ کے مطابق پریانکا چوپڑا اور نک جونسن کئی دنوں سے امریکی شہر لاس ویگاس میں موجود ہیں اور دونوں نے کئی خوبصورت تصاویر بھی شیئر کی اور اسی دوران دونوں نے لاس ویگاس میں ہی خفیہ شادی کرلی ہے۔

اس خبر کو بھی پڑھیں : دپیکا اور رنویر کی شادی کا دعوت نامہ منظر عام پر آگیا

بھارتی ویب سائٹ کا کہنا ہے کہ سماجی رابطے کی سائٹ انسٹاگرام پر آئرش اداکار امیٹ ہوجیس نے پریانکا چوپڑا اور نک جونسن کی تصویر شئیر کی جس میں پریانکا ہاتھوں میں پھول پکڑ کر کھڑی ہیں تاہم اب شادی کی خبروں کے بارے میں خود پریانکا چوپڑا ہی بتاسکتی ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔