- کراچی ایئرپورٹ سے جعلی دستاویزات پر بیرون ملک جانے والے 2 مسافر گرفتار
- ججوں کے خط کا معاملہ، سنی اتحاد کونسل کا قومی اسمبلی میں تحریک التوا جمع کرانے کا فیصلہ
- ضلع بدین کے ماحولیاتی نمونوں میں پولیو وائرس کی موجودگی کی تصدیق
- غیرمتعلقہ پاسپورٹ برآمد ہونے پر پی آئی اے کی ایئر ہوسٹس کینیڈا میں گرفتار
- اگلے ماہ مہنگائی کی شرح کم ہو کر 21 سے 22 فیصد کے درمیان رہنے کا امکان
- اقتصادی بحالی اور معاشی نمو کے لیے مشاورتی تھنک ٹینک کا قیام
- اے ڈی ایچ ڈی کی دوا قلبی صحت کے لیے نقصان دہ قرار
- آصفہ بھٹو زرداری بلامقابلہ رکن قومی اسمبلی منتخب
- پشاور: 32 سال قبل جرگے میں فائرنگ سے نو افراد کا قتل؛ مجرم کو 9 بار عمر قید کا حکم
- امیرِ طالبان کا خواتین کو سرعام سنگسار اور کوڑے مارنے کا اعلان
- ماحول میں تحلیل ہوکر ختم ہوجانے والی پلاسٹک کی نئی قسم
- کم وقت میں ایک لیٹر لیمو کا رس پی کر انوکھے ریکارڈ کی کوشش
- شام؛ ایئرپورٹ کے نزدیک اسرائیل کے فضائی حملوں میں 42 افراد جاں بحق
- انٹربینک اور اوپن مارکیٹ میں ڈالر کے مقابلے میں روپیہ مزید مضبوط
- پی ٹی آئی قانونی ٹیم کا چیف جسٹس اور جسٹس عامر فاروق سے استعفی کا مطالبہ
- اہم چیلنجز کا سامنا کرنے کیلیے امریکا پاکستان کے ساتھ کھڑا رہے گا، جوبائیڈن کا وزیراعظم کو خط
- عالمی اور مقامی مارکیٹوں میں سونے کی قیمت میں بڑا اضافہ ہوگیا
- اسٹاک مارکیٹ میں اتار چڑھاؤ کے بعد مندی، سرمایہ کاروں کے 17ارب ڈوب گئے
- پشاور بی آر ٹی؛ ٹھیکیداروں کے اکاؤنٹس منجمد، پلاٹس سیل کرنے کے احکامات جاری
- انصاف کے شعبے سے منسلک خواتین کے اعداد و شمار جاری
امريکی وسط مدتی انتخابات ميں پہلی مرتبہ 3 مسلمان خواتین کامیاب
واشنگٹن: امریکی وسط مدتی الیکشن میں پہلی مرتبہ 3 مسلمان خواتین نے معرکہ اپنے نام کرلیا ہے۔
بین الاقوامی خبر رساں ادارے کے مطابق امریکا میں وسط مدتی انتخابات میں جہاں امریکی صدر ٹرمپ کی جماعت ریپبلکن کو ایوان نمائندگان میں شدید دھچکا پہنچا ہے وہیں حیرت انگیز طور پر 3 تارکین وطن مسلمان خواتین نے انتخابات میں فتح اپنے نام کرلی ہے۔
منتخب ہونے والی مسلمان خواتین میں صومالی پناہ گزین خاندان کی بیٹی الہان عمر، فلسطينی تارکين وطن والدین کی بيٹی رشيدہ طالب اور 1997 میں طالبان کی قید سے فرار ہونے والے خاندان کی چشم و چراغ صفیہ وزیر شامل ہیں۔
صفیہ وزیر
نیو ہمشائیر سے منتخب ہونے والی 27 سالہ صفیہ وزیر نے اپنے خاندان کے ہمراہ 1997 میں ازبکستان میں پناہ لی تھی جہاں سے یہ خاندان امریکا منتقل ہو گیا تھا۔ اُس وقت صفیہ وزیر 6 سال کی تھیں اور اب وہ دو بچوں کی ماں ہیں۔ شدت پسندوں کے جبر سے متاثر خاندان اپنی بیٹی کی کامیابی پر خوشی سے نہال ہے۔
الہان عمر
37 سالہ سماجی کارکن الہان عمر کا خاندان 1991 میں صومالیہ میں خانہ جنگی کے باعث کینیا کے پناہ گزین کیمپ میں رہنے پر مجبور ہوا اور چار سال کیمپوں میں گزارنے کے بعد یہ خاندان امریکا پہنچنے میں کامیاب ہوا۔ بچپن میں ہی والدہ کے انتقال کرجانے کے بعد الہان عمر کی پرورش ان کے والد اور دادی نے کی۔ الہان عمر منيسوٹا سے منتخب ہوئیں۔
رشیدہ طالب
مشی گن سے منتخب ہونے والی 42 سالہ رشید ہ طالب کا تعلق فلسطینی تارکین وطن خاندان سے ہے۔ مالی حالات خراب ہونے کے باعث رشیدہ طالب نے اپنے چھوٹے بہن بھائیوں کی پرورش میں والدین کا ہاتھ بٹایا اور ساتھ ہی تعلیمی سلسلہ بھی جاری رکھا۔ وہ اس سے قبل 2009 میں بھی منتخب ہوچکی ہیں۔
واضح رہے کہ ڈونلڈ ٹرمپ کے دورِ صدارت میں اسکارف پہننے والی مسلمان خواتین پر حملوں میں اضافہ ہوا ہے اور نفرت آمیز پالیسی کے باعث تارکین وطن کے لیے امریکیوں میں نفرت پیدا ہوئی ہے تاہم وسط مدتی انتخابات میں امریکیوں نے ٹرمپ کی نفرت آمیز پالیسیوں کو مسترد کردیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔