- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
- ایرانی صدر کا دورہ کراچی، کل صبح 8 بجے تک موبائل سروس معطل رہے گی
- ایرانی صدر ابراہیم رئیسی کراچی پہنچ گئے، مزار قائد پر حاضری
- مثبت معاشی اشاریوں کے باوجود اسٹاک مارکیٹ میں مندی کا رجحان
- اسلام آبادہائیکورٹ کے فل کورٹ اجلاس میں خط لکھنے والے 6 ججوں کی بھی شرکت
- اقوام متحدہ کے ادارے پر حماس کی مدد کا اسرائیلی الزام جھوٹا نکلا
- نشے میں دھت مسافر نے ایئرہوسٹس پر مکے برسا دیئے؛ ویڈیو وائرل
- سعودیہ سے دیر لوئر آئی خاتون 22 سالہ نوجوان کے ساتھ لاپتا، تلاش شروع
- بیوی کی ناک اور کان کاٹنے والا سفاک ملزم ساتھی سمیت گرفتار
- پنجاب میں پہلے سے بیلٹ باکس بھرے ہوئے تھے، چیئرمین پی ٹی آئی
- ٹریفک وارڈنز لاہور نے ایمانداری کی ایک اور مثال قائم کر دی
- مسجد اقصی میں دنبے کی قربانی کی کوشش پر 13 یہودی گرفتار
- پنجاب کے ضمنی انتخابات میں پولیس نے مداخلت کی، عمران خان
- 190 ملین پاؤنڈز کیس؛ وکلا کی جرح مکمل، مزید 6 گواہوں کے بیان قلمبند
- حکومت تمام اخراجات ادھار لے کر پورا کررہی ہے، احسن اقبال
- لاپتا افراد کا معاملہ بہت پرانا ہے یہ عدالتی حکم پر راتوں رات حل نہیں ہوسکتا، وزرا
- ملائیشیا میں فوجی ہیلی کاپٹرز آپس میں ٹکرا گئے؛ 10 اہلکار ہلاک
- عالمی اور مقامی مارکیٹ میں سونے کی قیمت میں آج بھی بڑی کمی
کنٹرول لائن پر بھارتی شرپسندی جاری
کنٹرول لائن کے تھب سیکٹر میں بھارتی فوج کی بلااشتعال فائرنگ سے پاک فوج کا جوان ظہیر احمد شہید ہوگیا، پاک فوج کے جوانوں نے بھارتی فوج کی فائرنگ پر بروقت اور موثر جواب دیا اور ان چوکیوں کو نشانہ بنایا گیا جہاں سے بھارتی فوج نے فائرنگ کی تھی۔ بھارت کی پاکستان دشمنی روز روشن کی طرح عیاں ہے لیکن اپنی مخاصمت میں بھارت اخلاقی اور بین الاقوامی اقدار کی دھجیاں بکھیرنے میں پیش پیش ہے۔
ایک جانب بھارت دنیا میں خود کو امن کا پروردہ ثابت کرنے کے لیے امن مذاکرات اور تعلقات میں بحالی کے لیے ڈھونگ رچاتا ہے تو دوسری جانب علی الاعلان پاکستان کے خلاف سازشوں اور شرپسندانہ حرکتوں میں مصروف ہے، بھارت کی درپردہ سازشیں بھی وقتاً فوقتاً عیاں ہوتی رہی ہیں جس کے بعد دنیا کے سامنے بھارت کا اصل چہرہ آچکا ہے۔
بھارت کئی بار بین الاقوامی قوانین کی خلاف ورزی کرتے ہوئے پاکستانی سرحد پر حالت امن میں بھی شرپسندانہ حرکتیں کرتا آرہا ہے، کئی بار پاکستان کے خلاف بارڈر پر بلااشتعال فائرنگ کے نتیجے میں کئی فوجی جوانوں اور پاکستانی عوام کو نشانہ بنانے کے باوجود بھارت کی ہٹ دھرمی برقرار ہے جب کہ حالات کی خرابی کا سارا الزام بھارت پاکستان کے حصے میں ڈالتا آیا ہے۔
ضلع بھمبر کے تھب سیکٹر میں بھارتی فائرنگ سے شہید ہونے والے پاک فوج کے سپاہی ظہیر احمد کی شہادت اور بھارتی فوج کی بلاجواز فائرنگ کی مذمت کرتے ہوئے صدر آزاد کشمیر سردار مسعود خان نے لائن آف کنٹرول پر بھارتی فوج کی بڑھتی ہوئی اشتعال انگیزیوں پر تشویش کا اظہار اور عالمی برادری سے اپیل کی کہ وہ بھارت کے جنگی جنون کا نوٹس لے۔
واضح رہے کہ گزشتہ ماہ بھارت نے صدر آزاد کشمیر کے ہیلی کاپٹر پر پاکستان کی حدود میں فائرنگ کی تھی۔ بھارت جان بوجھ کر لائن آف کنٹرول پر کشیدگی بڑھا رہا ہے تاکہ وہ عالمی برادری کی توجہ مقبوضہ کشمیر میں انسانی حقوق کی بگڑتی ہوئی صورتحال سے ہٹا سکے۔
یوں تو بھارتی دشمنی روز اول سے پاکستان کے ساتھ ایک سی رہی ہے لیکن موجودہ انتہاپسند بھارتی وزیراعظم نریندر مودی کے زمام اقتدار سنبھالنے کے بعد پاکستان کے خلاف کارروائیوں میں شدت آئی ہے۔ صائب ہوگا کہ بھارت پاکستان کی امن خواہش کو کمزوری پر محمول نہ کرے، وقت آنے پر پاکستان کی جانب سے بھی کڑا جواب دیا جاسکتا ہے۔
بھارت کو سمجھنا ہوگا کہ امن عمل کی باتیں اور پرتشدد کارروائیاں ایک ساتھ نہیں چل سکتیں۔ نیز عالمی برادری کو بھی بھارت کو لگام ڈالنے کے لیے اپنا کردار ادا کرنا ہوگا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔