اداکار اسد ملک لاہور ایئرپورٹ پر گرفتار

لاہور: اے ایس ایف نے علامہ اقبال ایئرپورٹ پر اداکار اسد ملک کو زائد المیعاد لائسنس کے باوجود خود کار اسلحہ لے جانے پر گرفتار کرلیا۔

ایکسپریس نیوز کے مطابق ٹی وی ڈراموں کے اداکار اسد ملک کو ایئرپورٹ سیکیورٹی فورسز (اے ایس ایف) نے گرفتار کرلیا۔ اے ایس ایف ذرائع کے مطابق اسد ملک لاہور سے کراچی جارہے تھے اور اداکار کے پاس خود کار اسلحہ تھا تاہم اس کا لائسنس زائد المیعاد تھا جس کی بنا پر اسد ملک کو گرفتار کرلیا گیا۔