کینیڈین وزیر خارجہ کا شاہ محمود کو فون؛ آسیہ معاملے پر تبادلہ خیال

 اسلام آباد: کینیڈا کی وزیر خارجہ کریسٹیا فری لینڈ نے شاہ محمود قریشی کو فون کرکے آسیہ بی بی کے معاملے پر تبادلہ خیال کیا ہے۔

ترجمان دفتر خارجہ ڈاکٹر محمد فیصل کی طرف سے جاری کردہ بیان کے مطابق وزیر خارجہ شاہ محمود قریشی کو کینیڈین ہم منصب کریسٹیا فری لینڈ نے فون کیا اور آسیہ مسیح سمیت مختلف امور پر تبادلہ خیال کیا۔

Canadian FM telephoned FM Qureshi yesterday. Among other issues, Asia Bibi was discussed. Canadian FM appreciated Supreme Court’s courageous decision & PM’s positive speech. (1/2)

— Dr Mohammad Faisal (@ForeignOfficePk) November 13, 2018

کینڈین وزیر خارجہ نے آسیہ بی بی کی بریت پر سپریم کورٹ کے جرات مندانہ فیصلے کی تعریف کی۔ کریسٹیا فری لینڈ نے کہا کہ آسیہ کی رہائی کے فیصلے کے بعد وزیراعظم عمران خان کی تقریر بھی بہت مثبت تھی۔ وزیر خارجہ شاہ محمود قریشی نے کہا کہ آسیہ بی بی پاکستانی شہری ہے اور پاکستان ان کے قانونی حقوق کا مکمل احترام کرتا ہے۔