اسپائیڈرمین اورآئرن مین جیسے لازوال کرداروں کے خالق ’’اسٹین لی‘‘ چل بسے

لاس اینجلس: معروف امریکی مصنف اور مارول کامکس کمپنی کے شریک بانی ’’اسٹین لی‘‘ طویل علالت کے بعد چل بسے۔

مارول کامکس کی دنیا کے بے تاج بادشاہ ’’اسٹین لی‘‘ 95 سال کی عمر میں طویل علالت کے بعد لاس اینجلس میں چل بسے اور ان کے ساتھ ہی کامکس سپر ہیروز کی کہانیوں کا سنہری باب بھی ختم ہوگیا۔

We’ve lost a creative genius. Stan Lee was a pioneering force in the superhero universe. I’m proud to have been a small part of his legacy and …. to have helped bring one of his characters to life. #StanLee #Wolverine pic.twitter.com/iOdefi7iYz

— Hugh Jackman (@RealHughJackman) November 12, 2018

مارول کامکس کے لکھاری ’’اسٹین لی‘‘ نے 1961ء میں مارول کامکس کمپنی کی بنیاد رکھی تھی۔ تخلیقی صلاحیتوں سے مالا مال’’اسٹین لی‘‘ نے کئی سُپر ہیروز کا کردار پیش کیا اوراُن کے سُپر ہیروز کے کرداروں کو نبھا کر کئی ہالی ووڈ ادا کار سُپراسٹار بن گئے۔

’’اسٹین لی‘‘ نے ’’فنٹاسٹک فور‘‘ نامی سیریز سے آغاز کیا اور بعد میں ان کے کامکس اسپائیڈر مین، آئرن مین، کیپٹن امریکا اور دی انکریڈیبل ہلک کے کردار انتہائی مقبول ہوئے۔

ڈون جانسن، رابرٹ ڈاونی جونیئر، کرس ایوینز، ہیو جیک مین اور ٹام ہولینڈ جیسے کئی مشہور ہالی ووڈ اسٹارز نے ” اسٹین لی ” کو خراج عقیدت پیش کیا ہے۔

There will never be another Stan Lee. For decades he provided both young and old with adventure, escape, comfort, confidence, inspiration, strength, friendship and joy. He exuded love and kindness and will leave an indelible mark on so, so, so many lives. Excelsior!!

— Chris Evans (@ChrisEvans) November 12, 2018

مارول اسٹوڈیوز اور والٹ ڈزنی کمپنی کی طرف سے جاری کیے گئے بیان میں مصنف اسٹین لی کی وفات پر افسوس کا اظہار کیا گیا، اسٹین لی کے پسماندگان میں ان کی بیٹی جے سی لی شامل ہیں۔