سونے کی تولہ قیمت2سال کے بعد50ہزار روپے سے نیچے آگئی

تولہ قیمت300کی کمی سے49800اور10گرام257روپے گھٹ کر42685 ہوگئی

Business Reporter June 25, 2013

تولہ قیمت300کی کمی سے 49800 اور10گرام257روپے گھٹ کر42685 ہوگئی فوٹو: فائل

KARACHI: بین الاقوامی بلین مارکیٹ میں فی اونس سونے کی قیمت11 ڈالر کی کمی سے 1283 ڈالر کی سطح تک پہنچنے کے باعث مقامی صرافہ مارکیٹوں میںسونے کی قیمتیں پیر کو کم وبیش 2سال کی کم ترین سطح پر آگیا اور نرخ 50ہزار روپے تولہ سے کم ہوگئے۔

پیر کو تولہ اور دس گرام سونے کی قیمتوں میں بالترتیب 300 روپے اور257 روپے کی کمی ہوئی جس کے نتیجے میں کراچی، حیدرآباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں فی تولہ سونے کی قیمت گھٹ کر49800 روپے اور فی دس گرام سونے کی قیمت گھٹ کر42685 روپے ہوگئی۔

یاد رہے کہ 12جولائی2011میں سونے کی قیمت49750 روپے تولہ ریکارڈ کی گئی تھی، اس کے بعد 15جولائی2011 کو قیمت50ہزار روپے سے تجاوز کرکے 50ہزار 500روپے تولہ ہوگئی تھی جس کے بعد اب 23ماہ کے بعد نرخ 50ہزار روپے تولہ سے نیچے آئے ہیںتاہم اسکے برعکس فی تولہ چاندی کی قیمت بغیر کسی تبدیلی کے790 روپے پر مستحکم رہی اورفی دس گرام چاندی کی قیمت بھی677 روپے پر مستحکم رہی ہے۔