آئی ایم ایف سے مذاکرات مکمل، یادداشت کی تیاری شروع

 اسلام آباد: پاکستان اورآئی ایم ایف کے درمیان پالیسی سطح کے مذاکرات،معاشی تخمینہ جات کی ایویلیوایشن کا دورمکمل ہوگیا ہے جس کے تناظر میں پاکستان اور آئی ایم ایف کے درمیان نئے پروگرام کی شرائط کیلئے ٹیکنیکل مفاہمت کی یاداشت (ٹی ایم یو)اور میمورنڈم آف اکنامک اینڈ فنانشل پالیسی(ایم ای ایف پی)کے مسودوں کی تیاری پر بھی کام شروع ہوگیا ہے۔

ذرائع کا کہنا ہے کہ پالیسی سطح کے مذاکرات کے اس آخری دور میں پروگرام کے لیے طے ہونیوالی شرائط کی روشنی میں لیٹرآف انٹنٹ(ایل او آئی)کو حتمی شکل دی جائیگی، پروگرام پر اتفاق کی صورت میں وفاقی وزیر خزانہ اسد عمر اور گورنرسٹیٹ بینک طارق باجوہ لیٹر آف انٹنٹ پر دستخط کریںگے۔

آئی ایم ایف نے رواں مالی سال کے پہلے چار ماہ میں60 ارب روپے سے زائدکے ریونیوشارٹ فال، سی پیک کے قرضوں اور ادائیگیوں کے توازن میں بگاڑ پر سمیت چند دیگر شعبوں بارے تحفظات کا اظہارکیا ہے۔