پاکستان کی عزت اور سلامتی ہمیشہ اولین ترجیح رہے گی، آرمی چیف

 راولپنڈی: آرمی چیف جنرل قمر جاوید باجوہ کا کہنا ہے کہ پاکستان نے افغانستان میں امن کیلئے کسی بھی دوسرے ملک سے زیادہ کردار ادا کیا ہے اور یہ کوششیں جاری رکھیں گے تاہم ملکی عزت اور سلامتی ہمیشہ اولین ترجیح رہے گی۔

ڈی جی آئی ایس پی آر کی جانب سے جاری بیان کے مطابق آرمی چیف جنرل قمر جاوید باجوہ نے کہا کہ دنیا کو پاکستان کی قربانیوں کو سراہنا چاہئے، ہم نے دہشتگردی کے خلاف کامیاب جنگ لڑی اور علاقائی امن کیلیے کام کیا، اس جنگ میں ہم نے سب سے زیادہ عسکری، معاشی، سیاسی اور سماجی قیمت ادا کی۔

“Pakistan has successfully fought against terrorism while also contributing to regional peace. Pakistan has done much more for peace in Afghanistan than any other country”, COAS. (1 of 2).

— Maj Gen Asif Ghafoor (@OfficialDGISPR) November 20, 2018

آرمی چیف نے افغانستان کے حوالے سے کہا کہ پاکستان نے افغانستان میں امن کیلئے کسی بھی دوسرے ملک سے زیادہ کردار ادا کیا، افغانستان میں امن کیلیے پاکستان کوششیں جاری رکھے گا، لیکن پاکستان کی عزت اور سلامتی ہمیشہ اولین ترجیح رہے گی۔

“We have paid the highest military, economic, political and social cost and the world should acknowledge that. We shall continue to contribute towards peace in Afghanistan but Pakistan’s honour and Pakistan’s security shall always stay premier” COAS. (2 of 2).

— Maj Gen Asif Ghafoor (@OfficialDGISPR) November 20, 2018