- قطر نے 12 سال کی فاتح سنگاپورسے دنیا کے بہترین ایئرپورٹ کا اعزاز چھین لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
- وزیراعظم کا اسمگلنگ کے خاتمے کے لیے ملک گیر مہم تیز کرنے کا حکم
- جی-7 وزرائے خارجہ کا اجلاس؛ غزہ میں جنگ بندی کا مطالبہ
- پنڈی اسٹیڈیم میں بارش؛ بھارت نے چیمپیئنز ٹرافی کی میزبانی پر سوال اٹھادیا
- اس سال ہم بھی حج کی نگرانی کرینگے شکایت ملی تو حکام کو نہیں چھوڑیں گے، اسلام آباد ہائیکورٹ
- بشریٰ بی بی کو کھانے میں ٹائلٹ کلینر ملا کر دیا گیا، عمران خان
- عمران خان اور بشریٰ بی بی کی درخواستیں منظور، طبی معائنہ کروانے کا حکم
- حملے میں کوئی نقصان نہیں ہوا، تمام ڈرونز مار گرائے؛ ایران
- 25 برس مکمل، علیم ڈار دنیائے کرکٹ کے پہلے امپائر بن گئے
- قومی اسمبلی: جمشید دستی اور اقبال خان کے ایوان میں داخلے پر پابندی
- کراچی میں غیرملکیوں کی گاڑی پر حملہ، خودکش بمبار کی شناخت
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
- کینیا؛ ہیلی کاپٹر حادثے میں آرمی چیف سمیت 10 افسران ہلاک
- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
سعید اجمل شائقین کے غصے کی آگ بجھانے کیلیے کوشاں
کراچی: چیمپئنز ٹرافی میں شرمناک کارکردگی کے بعد اسپنر سعید اجمل شائقین کے غصے کی آگ بجھانے کیلیے کوشاں ہیں۔
ان کا کہنا ہے کہ کنڈیشنز بہت مشکل تھیں، ہم اپنی غلطیوں سے سیکھتے ہوئے آئندہ بہترین نتائج دیں گے، ویسٹ انڈیز کا ٹور بھی آسان نہیں ہوگا، ان خیالات کا اظہار انھوں نے نمائندہ ’’ایکسپریس ٹریبیون‘‘ فواد حسین سے بات چیت کرتے ہوئے کیا۔ 8 ملکی ٹورنامنٹ میں پاکستان آخری نمبر پر رہا جس کی وجہ سے شائقین میں کافی غم وغصہ پایا جاتا ہے۔
سعید اجمل نے کہا کہ ہم بھی اتنے ہی افسردہ ہیں جتنا کہ کوئی اور ٹیم کا سپورٹر ہوسکتا ہے، ایسا نہیں کہ ٹیم نے مقابلے جیتنے کی کوشش ہی نہ کی ہو، تمام کھلاڑیوں نے ٹیم کو اٹھانے کیلیے اپنی بہترین کوشش کی مگر کنڈیشنز کافی مشکل تھیں، بدقسمتی سے ہم کلک نہیں کرپائے جبکہ جو ٹیمیں کنڈیشنز سے ہم آہنگ ہوئیں انھوں نے اچھے نتائج دیے۔
سعید اجمل نے اگلی سیریز میں بہترین پرفارمنس کا عزم ظاہر کرتے ہوئے کہا کہ ہم اپنی غلطیوں سے سبق سیکھ کر بہتر نتائج کی کوشش کریں گے، ٹیم میں شامل ہر کھلاڑی اپنی ناکامی کی تلافی کا خواہاں ہے، مجھے پورا یقین ہے کہ ٹیم دوبارہ فتح کی راہ پر گامزن ہوگی، انھوں نے ویسٹ انڈیز کے دورے کو بھی مشکل قرار دیا۔ یاد رہے کہ چیمپئنز ٹرافی میں سعید اجمل نے 25 اوورز کے دوران صرف 4 وکٹیں لیں،اب وہ آئندہ ماہ ویسٹ انڈیز سے 5 ون ڈے اور 2 ٹوئنٹی 20 میچز میں اچھی کارکردگی کا مظاہرہ کرنے کیلیے پُرعزم ہیں۔
ان کا کہنا ہے کہ میں نے نیٹ پریکٹس شروع کردی اوراپنی فٹنس پر توجہ دے رہا ہوں، مجھے پوری امید ہے کہ ٹور میں بہتر کھیل پیش کروں گا، ویسٹ انڈیز محدود اوورز کے میچز کی بہترین ٹیم ہے، اس کے پاس گیل سمیت کئی ہارڈ ہٹرز موجود ہیں،بطور اسپنر میرے لیے یہ ایک چیلنج ہو گا۔ سعید اجمل نے فیصل آباد میں زیر تعمیر اپنی کرکٹ اکیڈمی کا ایک حصہ ڈس ایبل کرکٹرز کیلیے مختص کرنے کا بھی اعلان کیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔