- ویسٹ انڈیز ویمن ٹیم کا پاکستان کو ون ڈے سیریز میں وائٹ واش
- کراچی میں ایرانی خاتون اول کی کتاب کی رونمائی، تقریب میں آصفہ بھٹو کی بھی شرکت
- پختونخوا سے پنجاب میں داخل ہونے والے دو دہشت گرد سی ٹی ڈی سے مقابلے میں ہلاک
- پاکستان میں مذہبی سیاحت کے وسیع امکانات موجود ہیں، آصف زرداری
- دنیا کی کوئی بھی طاقت پاک ایران تاریخی تعلقات کو متاثر نہیں کرسکتی، ایرانی صدر
- خیبرپختونخوا میں بلدیاتی نمائندوں کا اختیارات نہ ملنے پراحتجاج کا اعلان
- پشین؛ سیکیورٹی فورسز کی کارروائی میں3 دہشت گرد ہلاک، ایک زخمی حالت میں گرفتار
- لاپتہ کرنے والوں کا تعین بہت مشکل ہے، وزیراعلیٰ بلوچستان
- سائفر کیس میں بانی پی ٹی آئی کو سزا سنانے والے جج کے تبادلے کی سفارش
- فافن کی ضمنی انتخابات پر رپورٹ،‘ووٹوں کی گنتی بڑی حد تک مناسب طریقہ کار پر تھی’
- بلوچستان کے علاقے نانی مندر میں نایاب فارسی تیندوا دیکھا گیا
- اسلام آباد ہائیکورٹ کا عدالتی امور میں مداخلت پر ادارہ جاتی ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
ناقابل تسخیر اسپین اب اٹلی کا شکار کرنے کیلیے بے چین
فورٹیلیزا / برازیل: کنفیڈریشنز کپ فٹبال ٹورنامنٹ کا دوسرا سیمی فائنل جمعرات کو روایتی یورپیئن حریفوں کے درمیان کھیلا جائے گا۔
ناقابل تسخیر اسپینش سائیڈ اب اٹلی کا شکار کرنے کیلیے بے چین نظر آتی ہے، ورلڈ اور یورپیئن چیمپئن ٹیم کو اب تک ایونٹ میں کوئی نہیں ہرا سکا جبکہ اطالوی سائیڈکو واحد شکست گروپ مرحلے میں میزبان برازیل نے دی، اٹلی کے کوچ سیسار پراندیلی نے ناک آؤٹ مقابلے کیلیے تکنیک میں جدت لانے کا منصوبہ بنالیا،وہ نئے فارمیشن کو میدان میں آزمائیں گے، دفاع میں 3 پلیئرز گریگور چیلینی، لیونارڈو بونسی اور آندریا بارزیگلی ان کے منصوبے میں شامل ہوں گے، منفرد انداز سے کھیلنے کی بدولت اٹلی نے یورو 2012 کے اپنے افتتاحی میچ کو 1-1 سے ڈرا کرلیا تھا، البتہ فیصلہ کن معرکے میں اسے اسپین نے 0-4 سے آؤٹ کلاس کیا تھا، اسپین کو اپنے اسٹار پلیئر سیساس فیبریگاس اور ویلنسیا کے اسٹرائیکر روبرٹور سولڈاڈو کی فٹنس پر کچھ تشویش۔
ہے، دونوں پٹھوں میں تکلیف کے سبب اتوار کو نائیجیریا کیخلاف اختتامی لیگ میچ نہیں کھیل پائے تھے، میچ میں ورلڈ چیمپئن اسپین کو فیورٹ کی حیثیت حاصل ہوگی،کوچ ونسنٹ ڈیل بوسکیو کیلیے 3 گول کیپرز ایکار کیسالیس، پیپ رینی اور وکٹر ویلڈاس میں سے کسی ایک کا انتخاب کسی آزمائش سے کم نہیں ہوگا، وہ گروپ مرحلے میں تینوں کو آزما چکے ہیں، اطالوی ٹیم کے لیے اسٹار اسٹرائیکر ماریو بالوٹیلی اور ایگنازیو ایبیٹ کے انجرڈ ہوکر ایونٹ سے باہر ہونا بڑا دھچکا ہے، البتہ ریکارڈو مونٹولیوو اور آندریا پیرلو کی میچ میں شرکت کا امکان روشن ہے۔
پیرلو پنڈلی کی انجری کے سبب برازیل کے ہاتھوں 2-4 سے ناکامی والے میچ میں شریک نہیں ہوپائے تھے، اسی مقابلے میں مونٹولیوو کے سرپر چوٹ لگ گئی تھی، بولوگنا کے تجربہ کار اسٹرائیکر البرٹو گیلارڈینو کو اطالوی کوچ نے تیار رہنے کا حکم دیا ہوا ہے، گیند پر قبضے رکھنے کی عادی اسپینش ٹیم کیخلاف مقابلے سے قبل پراندیلی کا کہنا ہے کہ ہم اس مقابلے میں تیکنیکی طور پر کچھ جدت طرازی کا ارادہ رکھتے ہیں۔
اسپینش دفاعی کھلاڑی سرجیو راموس نے کہا کہ اگرچہ ہم اٹلی کے انداز کھیل سے بخوبی آگاہ اور کئی مرتبہ اسے زیر کرچکے لیکن ضروری نہیں کہ جمعرات کا نتیجہ بھی ایسا ہی آئے،ہم عملی طور پر اپنا روایتی انداز برقرار رکھتے ہوئے بہترین پلیئرز کے ساتھ میدان میں اتریں گے، انھوں نے کہا کہ حریف ٹیم ہمارے لیے قابل احترام ہوگی، اٹلی کے پاس عمدہ کھیل پیش کرنے کا محرک اپنی سابقہ ناکامیوں کا انتقام لینا ہوگا، اسے نوجوان اور تجربہ کار پلیئرز کا ساتھ حاصل ہے، ایونٹ کے فائنل تک پہنچنا اہم اور یہ ہر ایک کا خواب ہوتا ہے، نتائج سے قطع نظر اطالوی ٹیم بہت مضبوط حریف ہے اور اس نے ہمیشہ فارم کا بھرپور مظاہرہ بھی کیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔