- فیصل واوڈا نے عدالتی نظام پر اہم سوالات اٹھا دیئے
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
15 برس بعد انگلش خاتون پلیئر کی چوتھے راؤنڈ میں رسائی
لندن: لیورا رابسن 1998 کے بعد ومبلڈن کے چوتھے راؤنڈ میں پہنچنے والی پہلی انگلش پلیئر بن گئیں۔
انھوں نے کیوی حریف مارینا ایراکووک کو ٹھکانے لگادیا، مینز سنگلز میں برطانوی اسٹار اینڈی مرے بھی پری کوارٹر فائنل میں داخل ہوگئے، لوکاس کوبوٹ اور کینی ڈی شیپرز کی حیران کن فتوحات کا سلسلہ بھی جاری ہے، ویمنز سنگلز میں پیٹرا کیوٹوا اور روبریٹا ونسی نے تیسرا مرحلہ عبور کرلیا۔
تفصیلات کے مطابق ومبلڈن میں لیورا رابسن 1998 کے بعد ومبلڈن کے چوتھے راؤنڈ میں پہنچنے والی پہلی انگلش پلیئر بن گئیں، انھوں نے کیوی حریف مارینا ایراکووک کو ٹھکانے لگادیا، ابتدائی سیٹ 1-6 سے ہارنے کے بعد دوسرے سیٹ میں بھی 3-5 کا خسارے کا سامنا کرنے کے بعد زبردست کم بیک کرتے ہوئے انھوں نے مقابلہ 7-5 اور 6-3 سے اپنے نام کرلیا۔
19 سالہ رابسن سے 15 برس قبل 1998 میں سام اسمتھ نے ومبلڈن پری کوارٹر فائنل میں پہنچنے والی آخری برطانوی خاتون کھلاڑی بنی تھیں، سردست عالمی درجہ بندی میں 38ویں پوزیشن پر فائز رابسن ایونٹ کے بعد دنیا کی 30 صف اول پلیئرز میں شامل ہوجائیں گی،ان سے قبل عالمی رینکنگ میں جو ڈیوری نے اپریل 1987 میں یہ مقام حاصل کیا تھا، دیگر ویمنز سنگلز تیسرے راؤنڈ میچزمیں اطالوی پلیئر روبریٹا ونسی نے سلواکین حریف ڈومنیکا سبولکوا کو 6-1،6-4 سے مات دے دی، امریکا کی سلونی اسٹیفنز نے جمہوریہ چیک کی پیٹرا سیٹکوسکووا کو 7-6، 0-6 اور 6-4 سے قابو کرلیا، روس کی ایکٹرینا ماکارووا کو پیٹرا کیوٹوا نے 6-3، 2-6 اور 6-3 سے ٹھکانے لگادیا۔
دوسری جانب مینز سنگلز میں برطانوی اسٹار اینڈی مرے نے بھی چوتھے راؤنڈ میں نشست پالی، انھوں نے اسپین کے ٹومی روبریڈو کو 6-2، 6-4 اور 7-5 سے قابو کیا، پولینڈ کے لوکاس کوبوٹ نے تیسرے راؤنڈ میں فرانس کے 25 سیڈ بینوئٹ پائر کو بھی ٹھکانے لگادیا، ان کی جیت کا اسکور 6-1، 6-3 اور 6-4 رہا، ورلڈ نمبر80 کینی ڈی شیپرز نے ارجنٹائن کے معروف پلیئر جوآن مناکو کیخلاف 6-4، 7-6(10/8) اور 6-4 سے غیرمتوقع کامیابی حاصل کرلی، وہ اپنے کیریئر میں پہلی مرتبہ کسی بڑے ایونٹ کے راؤنڈ 16 میں جگہ بنانے میں کامیاب ہوئے۔
کوبوٹ نے اس سے قبل 2011 میں بھی چوتھے راؤنڈ تک رسائی پائی تھی، ان کے ہموطن جیرزی جینووچ بھی راؤنڈ 16 میں داخل ہوچکے ہیں اس طرح یہ پہلا موقع ہے جب دو پولش پلیئرز کسی گرینڈ سلم کے پری کوارٹر فائنل میں پہنچے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔