ایوشمان کھرانہ ’ڈریم گرل‘ بننے کے لیے تیار

 ممبئی: بھارتی اداکار ایوشمان کھرانہ نے ’خوابوں کی لڑکی‘ بننے کے لیے تیاری کرلی ہے جس کا پوسٹر بھی جاری کردیا گیا ہے۔

فلم ’وکی ڈونر‘ اور ’بدھائی ہو‘ سے شہرت پانے والے اداکار ایوشمان کھرانہ ان دنوں شائقین کی توجہ اپنی جانب مرکوز کیے ہوئے ہیں اور یکے کے بعد دیگر فلموں میں اداکاری کے جوہر دکھاتے نظر آرہے ہیں۔

اداکار نے ٹوئٹر پر اپنی آنے والی فلم کا پوسٹر جاری کردیا جس میں انہیں موٹر سائیکل  پر ساڑھی میں ملبوس بیٹھے دیکھا جاسکتا ہے جب کہ ساتھ ہی انہوں نے لکھا کہ جتنا ممکن ہو اتنا احمقانہ لیکن ڈریم گرل  کے طور پر یہ ہے میرے نئے انداز کی ایک جھلک۔

As whacky as it can get! Here's the first glimpse of my look in and as #DreamGirl. Thoughts?#DreamGirlFirstLook #DreamGirlFilmingBegins @ektaravikapoor @NushratBharucha @RuchikaaKapoor @writerraj @balajimotionpic pic.twitter.com/qyJib4U9Ao

— Ayushmann Khurrana (@ayushmannk) December 3, 2018

بالا جی موشن پکچر کے بینر تلے بننے والی فلم  ’ڈریم گرل‘ میں ایوشمانہ کھرانہ کے ہمراہ نشرت بھروچھا مرکزی کردار میں نظر آئیں گی۔

یہ پڑھیں: بڑے بجٹ کی ’نمستے انگلینڈ‘ کو چھوٹے بجٹ کی ’بدھائی ہو‘ نے ہرا دیا

واضح رہے کہ ایوشمان کھرانہ کی رواں سال تقریباً 30 کروڑ کے بجٹ سے بننے والی فلم ’بدھائی ہو‘ اب تک دنیا بھر میں 200 کروڑ سے زائد کا بزنس کرنے والی کامیاب ترین فلم بن گئی ہے۔