محکمہ تعلیم سندھ کا نصاب میں تبدیلی کا فیصلہ

ویب ڈیسک  منگل 4 دسمبر 2018
 نئے نصاب میں ثقافت، ورثہ اور شہری تعلیم کا مواد شامل ہوگا، وزیر تعلیم سندھ۔ فوٹو : فائل

نئے نصاب میں ثقافت، ورثہ اور شہری تعلیم کا مواد شامل ہوگا، وزیر تعلیم سندھ۔ فوٹو : فائل

 کراچی: محکمہ تعلیم سندھ نے بارہویں جماعت تک کے نصاب میں تبدیلی کا فیصلہ کیا ہے۔

کراچی میں میڈیا سے بات کرتے ہوئے وزیر تعلیم سندھ سردار شاہ کا کہنا تھا کہ ڈائریکٹریٹ آف کریکولم کی میٹنگ میں نصاب میں تبدیلی کے حوالے سے باقاعدہ فیصلہ ہوگا۔ نئے نصاب میں ثقافت، ورثہ، شہری تعلیم اور لائف اسکلز کا مواد شامل ہوگا اور بچوں کو ان کے حقوق کے حوالے سے آگاہی دیں گے۔ ان کا کہنا تھا کہ دنیا اسمارٹ فون اور چاند پر پہنچ گئی لیکن ہم سائنس میں بچوں کو ریڈیو پڑھا رہے ہیں، نصاب میں کیا پڑھایا جارہا ہے جائزہ لیں گے تاہم  سندھی پہلے بھی نصاب کاحصہ تھی اور اب بھی ہوگی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔