- نیب کا قومی اسمبلی سیکریٹریٹ میں غیر قانونی بھرتیوں کا نوٹس
- رضوان کی انجری سے متعلق بڑی خبر سامنے آگئی
- بولتے حروف
- بغیر اجازت دوسری شادی؛ تین ماہ قید کی سزا معطل کرنے کا حکم
- شیر افضل کے بجائے حامد رضا چیئرمین پبلک اکاؤنٹس کمیٹی نامزد
- بیوی سے پریشان ہو کر خودکشی کا ڈرامہ کرنے والا شوہر زیر حراست
- 'امن کی سرحد' کو 'خوشحالی کی سرحد' میں تبدیل کریں گے، پاک ایران مشترکہ اعلامیہ
- وزیراعظم کا کراچی کے لیے 150 بسیں دینے کا اعلان
- آئی سی سی رینکنگ؛ بابراعظم کو دھچکا، شاہین کی 3 درجہ ترقی
- عالمی و مقامی مارکیٹ میں سونے کی قیمت میں اضافہ
- سویلین کا ٹرائل؛ لارجر بینچ کیلیے معاملہ پھر پریکٹس اینڈ پروسیجر کمیٹی کو بھیج دیا گیا
- رائیونڈ؛ سفاک ملزمان کا تین سالہ بچے پر بہیمانہ تشدد، چھری کے وار سے شدید زخمی
- پنجاب؛ بےگھر لوگوں کی ہاؤسنگ اسکیم کیلیے سرکاری زمین کی نشاندہی کرلی گئی
- انٹرنیشنل ہاکی فیڈریشن نے پی ایچ ایف کے دونوں دھڑوں سے رابطہ کرلیا
- بلوچ لاپتہ افراد کیس؛ پتہ چلتا ہے وزیراعظم کے بیان کی کوئی حیثیت نہیں، اسلام آباد ہائیکورٹ
- چوتھا ٹی20؛ رضوان کی پلئینگ الیون میں شرکت مشکوک
- ایرانی صدر کا دورہ اور علاقائی تعاون کی اہمیت
- آئی ایم ایف قسط پیر تک مل جائیگی، جون تک زرمبادلہ ذخائر 10 ارب ڈالر ہوجائینگے، وزیر خزانہ
- حکومت رواں مالی سال کے قرض اہداف حاصل کرنے میں ناکام
- وزیراعظم کی وزیراعلیٰ سندھ کو صوبے کے مالی مسائل حل کرنے کی یقین دہانی
جسٹس تصدق متوقع چیف جسٹس، ججوں کی نئی سنیارٹی لسٹ جاری
اسلام آباد: جسٹس میاں شاکراللہ جان کی ریٹائرمنٹ کے بعد سپریم کورٹ کے ججوں کی نئی سینیارٹی لسٹ جاری ہوگئی ہے۔جسٹس تصدق حسین جیلانی عدالت عظمیٰ کے سینئر ترین جج بن گئے ہیں جو ملک کے آئندہ چیف جسٹس ہوںگے۔میاں شاکراللہ جان کی ریٹائرمنٹ پر جسٹس ناصر الملک سپریم جوڈیشل کو نسل اور جسٹس انور ظہیر جمالی جوڈیشل کمیشن کے رکن بن گئے ۔
سپریم کورٹ کے سینئر ترین جج جسٹس شاکراللہ جان جمعے کو سرکاری طور پر ریٹائر ہوگئے ان کی ریٹائرمنٹ کے بعد ججوں کی سینیارٹی لسٹ کے علاوہ اعلیٰ عدلیہ کے ججوں کے ضابطہ اخلاق کا جائزہ لینے کا آئینی فورم سپریم جوڈیشل کونسل اور اعلیٰ عدلیہ کے ججوںکی تقرری کا فورم جوڈیشل کمیشن کی بناوٹ میں بھی تبدیلی آئی ہے۔سپریم کورٹ کی نئی سینیارٹی لسٹ کے مطابق جسٹس تصدق حسین جیلانی سپریم کورٹ کے سینئر ترین جج بن گئے ہیں ،الجہادکیس میں سپریم کورٹ کے فیصلے کے مطابق جسٹس تصدق حسین جیلانی 11دسمبر 2013کو چیف جسٹس افتخار محمد چوہدری کی ریٹائرمنٹ پر ملک کے آئندہ چیف جسٹس ہوں گے۔
جسٹس تصدق حسین جیلانی چھ مہینے سترہ دن تک چیف جسٹس پاکستان رہیں گے اور 5جولائی 2014کو ریٹائر ہوںگے۔جسٹس شاکراللہ جان کی ریٹائرمنٹ سے سپریم جوڈیشل کونسل کی بناوٹ بھی تبدیل واقع ہوگئی ہے ،سینیارٹی میں دوسرے نمبرکے جج جسٹس نا صرالملک سپریم جوڈیشل کونسل کے نئے ممبر بن گئے ہیں ۔آئین کے مطابق ججوں کے ضابطہ اخلاق کا جائزہ لینے کیلیے قائم کونسل کے چیئرمین چیف جسٹس پاکستان ہوتے ہیں جبکہ سپریم کورٹ کے سینئر ترین دو جج اور دو ہائی کورٹس کے چیف جسٹس صاحبان جو سب سے سینئر ہو اس کے رکن ہوتے ہیں۔ جسٹس تصدق حسین جیلانی کے بعد جسٹس ناصرالملک چیف جسٹس پاکستان کے عہدے پر فا ئز ہوںگے۔
جسٹس ناصرالملک کی ریٹائرمنٹ 16اگست 2015 کو ہوگی۔جسٹس (ر) میاں شاکراللہ جان کی ریٹائرمنٹ پر جسٹس انور ظہیر جمالی سینیارٹی میں چوتھے نمبر پرآگئے ہیں اور اس حیثیت میں جوڈیشل کمیشن کے رکن بن گئے ہیں۔چیف جسٹس افتخار محمد چوہدری کی سربراہی میں قائم کمیشن سپریم کورٹ کے چار سینئر ترین ججوں،ایک ریٹائرڈ جج،وفاقی وزیر قانون،اٹارنی جنرل اور پاکستان بارکونسل کے نمائندے پر شامل ہوتاہے۔
نئی بناوٹ میںجسٹس تصدق حسین جیلانی،جسٹس ناصر الملک ،جسٹس جواد ایس خواجہ اور جسٹس انور ظہیر جمالی اس کمیشن کے رکن ہیں ۔الجہاد ٹرسٹ کیس کی رو سے جسٹس جواد ایس خواجہ اور جسٹس انور ظہیر جمالی بھی مستقبل کے چیف جسٹس صاحبان ہوںگے۔جسٹس جواد ایس خواجہ سب سے کم محض 23دن چیف جسٹس ہوںگے ،اب تک سب سے کم عرصے کیلیے چیف جسٹس پاکستان کے عہدے پر جسٹس(ر) بشیر جہانگیری دو مہینے اور اٹھائیس دن رہے ہیں ۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔