اظہر علی زیادہ ٹیسٹ رنز میں مصباح الحق کو پیچھے چھوڑ گئے

اسپورٹس رپورٹر  منگل 4 دسمبر 2018
سابق کپتان نے 70ویں میچ کی پہلی نامکمل اننگز تک 5533رنز جوڑے ہیں۔ فوٹو: فائل

سابق کپتان نے 70ویں میچ کی پہلی نامکمل اننگز تک 5533رنز جوڑے ہیں۔ فوٹو: فائل

 لاہور: پاکستان کرکٹ ٹیم کے سابق کپتان اظہر علی زیادہ ٹیسٹ رنز میں مصباح الحق کو پیچھے چھوڑ گئے۔

اظہر علی نے پاکستانی ٹاپ اسکوررز کی فہرست میں چھٹے نمبر پر جگہ بنالی، سینئر بیٹسمین نے یہ سنگ میل ابوظہبی ٹیسٹ میں 62رنز کی ناقابل شکست اننگز کے دوران عبور کیا، انہوں نے 70ویں میچ کی پہلی نامکمل اننگز تک 5533رنز جوڑے ہیں۔

مصباح الحق نے 5222 رنز کے ساتھ کیریئر کا اختتام کیا تھا، یونس خان 10099، جاوید میانداد8832، انضمام الحق8829، محمد یوسف7530 اور سلیم ملک5768 رنز اپنے نام کے آگے درج کرانے میں کامیاب ہوئے تھے۔



ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔