بھارتی کپتان ویرات کوہلی نے آمدنی میں اپنے ملک کے تمام کھلاڑیوں کو پیچھے چھوڑ دیا۔

ویرات کوہلی آمدنی کے میدان میں مہندرا سنگھ دھونی اورسچن ٹنڈولکر سے بھی آگے نکل گئے ہیں، حقیقت تو یہ ہے کہ 2017 کے مقابلے میں رواں برس ان کی آمدنی دگنی ہوگئی، وہ اپنے ملک کے دوسرے سب سے زیادہ دولت کمانے والے سیلیبریٹی بھی ہیں۔

اس سال ان کی آمدنی 228.09 کروڑ روپے رہی، اس فہرست میں ٹاپ پر بالی ووڈ اداکار سلمان خان 235.25 کروڑ روپے کیساتھ موجود ہیں، دھونی (101.77کروڑ) پانچویں اور سچن ٹنڈولکر (80کروڑ) نویں نمبر پر ہیں۔