دپیکا پڈوکون کا عامرخان کے ساتھ کام کرنے سے انکار

ویب ڈیسک  جمعـء 7 دسمبر 2018
عامر اور دپیکا کے مداحوں کی خواہش تھی کہ دونوں اسٹار ایک ساتھ کسی فلم میں نظرآئیں فوٹوفائل

عامر اور دپیکا کے مداحوں کی خواہش تھی کہ دونوں اسٹار ایک ساتھ کسی فلم میں نظرآئیں فوٹوفائل

ممبئی: ناموربالی ووڈ اداکارہ پیکا پڈوکون نے مسٹرپرفیکشنسٹ عامرخان کے ساتھ کام کرنے سے انکار کردیا۔

بھارتی میڈیا کے مطابق اداکارعامر خان ان دنوں اپنے ڈریم پراجیکٹ ’مہا بھارت‘ کی تیاریوں میں مصروف ہیں جس میں وہ بھارتی دیومالائی کردار کرشنا کا کردارادا کریں گے جب کہ عامر نے اداکارہ دپیکا پڈوکون کو فلم میں ’دروپتی‘ کے کردار کی پیشکش کی تھی تاہم دپیکا نے مہابھارت میں دروپتی بننے سے انکار کردیا اورعامر خان کی پیشکش ٹھکرادی۔

دپیکا کے دروپتی کے کردار کی پیشکش ٹھکرانے کی وجہ تاحال سامنے نہیں آئی ہے تاہم عامر اور دپیکا کے مداح یہ خبرسن کر افسردہ ہوگئے ہیں کیونکہ دونوں کے مداحوں کی شدید خواہش تھی کہ عامر اور دپیکا ایک ساتھ کسی فلم میں نظر آئیں۔

واضح رہے کہ دپیکا پڈوکون بہت جلد ہدایت کارہ میگھنا گلزار کی فلم کی شوٹنگ کاآغازکریں گی جس میں وہ تیزاب گردی کا شکار ہونے والی خاتون لکشمی اگروال کے کردارمیں نظر آئیں گی۔



ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔