گورنرہاؤس پشاور کو عجائب گھر قرار دینے کا فیصلہ

پشاور: گورنر ہاؤس پشاور کو عجائب گھر بنانے کیلیے محکمہ آثارقدیمہ نے سروے مکمل کرلیا ہے۔

گورنر ہاؤس میں پڑے قدیمی اور تاریخی نوادارت کا ریکارڈ حاصل کرلیا گیا ہے۔حکومت کی جانب سے احکام ملنے کے بعداسے عوام کیلیے کھول دیا جائے گا،انٹری کیلیے باقاعدہ ٹکٹ لگانے کا بھی فیصلہ کیاگیا ہے۔ وزیراعظم عمران خان کی جانب سے گورنر ہاؤس پشاور کو عجائب گھر بنانے کا فیصلہ کیا گیا تھا۔

اس حوالے سے محکمہ آثار قدیمہ کے ترجمان نوازالدین نے بتایا کہ گورنر ہاؤس کا سروے کیا جاچکا ہے اور ہم حکومتی احکام کے منتظر ہیں۔