فرانس میں ’ہمیں ٹرمپ چاہیے‘ کے نعرے لگ رہے ہیں، امریکی صدر کا مضحکہ خیز بیان

 واشنگٹن: امریکی صدر ڈونلڈ ٹرمپ نے کہا ہے کہ فرانس میں تیل کی قیمتوں میں اضافے پر جاری احتجاج میں مظاہرین  ’ہمیں ٹرمپ چاہیے‘ کے نعرے لگا رہے ہیں۔

بین الاقوامی خبر رساں ادارے کے مطابق فرانس میں تیل کی مصنوعات کی قیمتوں میں اضافے پر مظاہرین وزیراعظم ایڈوارڈ فلپ کی یقین دہانیوں اور قیمتوں کو 90 دن کے لیے معطل کرنے کے اعلان پر راضی نہیں۔

پُرتشدد مظاہروں کا سلسلہ بدستور جاری ہے، پولیس اور مظاہرین کے درمیان تازہ جھڑپوں میں ہزار سے زائد افراد زخمی ہوئے، پولیس نے مزید 1700 مظاہرین کو گرفتار کرلیا۔ جس کے بعد مظاہرین کا صدر ایمانیول میکرون کے مستعفی ہونے کا ایک نکاتی مطالبہ سامنے آیا ہے۔

The Paris Agreement isn’t working out so well for Paris. Protests and riots all over France. People do not want to pay large sums of money, much to third world countries (that are questionably run), in order to maybe protect the environment. Chanting “We Want Trump!” Love France.

— Donald J. Trump (@realDonaldTrump) December 8, 2018

اسی دوران فرانس میں جاری فسادات پر صدر ڈونلڈ ٹرمپ کا جلتی پر تیل چھڑکنے والا بیان سامنے آیا ہے، امریکی صدر نے اپنی ایک ٹویٹ میں مضحکہ خیز دعویٰ کیا ہے کہ فرانس میں مظاہرین ’ہمیں ٹرمپ چاہیئے‘ کے نعرے لگا رہے ہیں۔

امریکی صدر نے مزید کہا کہ پیرس میں حکومت اور مظاہرین کے درمیان طے پانے والا معاہدہ سود مند ثابت نہیں ہوا، ملک بھر میں مظاہرین زائد قیمتیں ادا کرنے کو تیار نہیں۔

There are riots in socialist France because of radical leftist fuel taxes

Media barely mentioning this

America is booming, Europe is burning

They want to cover up the middle class rebellion against cultural Marxism

“We want Trump” being chanted through the streets of Paris

— Charlie Kirk (@charliekirk11) December 4, 2018

صدر ٹرمپ کو فرانس میں مظاہرین کی جانب سے اپنے حق میں نعرے لگانے سے متعلق غلط  فہمی دائیں بازو کے متحرک کارکن کی ایک ٹوئٹ سے ہوئی جس میں انہوں نے کہا کہ مظاہرین جو 3 نعرے بلند کر رہے ہیں ان میں سے ایک ’ہمیں ٹرمپ چاہیئے‘ بھی ہے۔

درحقیقت ٹرمپ اور ان کے حامیوں کو یہ غلط فہمی لندن میں امریکی صدر کی آمد پر استقبال کے لیے جمع ہونے والے ایک اجتماع کی ویڈیو دوبارہ وائرل ہونے سے ہوئی۔ اس ویڈیو میں ایک شخص ٹرمپ کی شکل کا ماسک لگائے ہوئے ہے اور استقبال کے لیے موجود افراد کے ہمراہ ہمیں ٹرمپ چاہیئے کے نعرے لگا رہا ہے۔

https://twitter.com/JS_1972/status/1005531659838611456