وزیراعظم عمران خان سے مولانا طارق جمیل کی ملاقات

 اسلام آباد: وزیراعظم عمران خان سے ممتاز عالم دین مولانا طارق جمیل نے ملاقات کی ہے۔

ایکسپریس نیوز کے مطابق مولانا طارق جمیل وزیراعظم ہاؤس پہنچے جہاں انہوں نے وزیراعظم سے ملاقات کی جس میں مختلف امور پر تبادلہ خیال کیا گیا۔ ملاقات میں تحریک انصاف کے رہنما نعیم الحق اور دیگر بھی موجود تھے۔

Prominent religious scholar Maulana #TariqJameel called on Prime Minister @ImranKhanPTI at PM Office in Islamabad on Tuesday pic.twitter.com/rQ3sGy6imF

— Prime Minister's Office, Pakistan (@PakPMO) December 11, 2018

واضح رہے کہ مولانا طارق جمیل کی عمران خان سے وزارت عظمیٰ کا منصب سنبھالنے کے بعد پہلی  باضابطہ ملاقات ہے۔اس سے قبل چند روز قبل بڑھتی ہوئی آبادی  کنٹرول کرنے کے حوالے سے سمپوزیم سے مولانا طارق جمیل نے اظہار خیال کرتے ہوئے کہا تھا کہ  پاکستان کو مدینے جیسی  فلاحی ریاست بنانے کے اعلان پرعمران خان کوسلام پیش کرتا ہوں، اس تقریب کے مہمان خصوصی وزیراعظم عمران خان تھے۔