درآمد شدہ بلٹ پروف گاڑی کی جعلی دستاویز پر کلیئرنس کا انکشاف

جرمنی سے بی ایم ڈبلیو درآمدکی گئی، کلیئرنس کے لیے جعلی این او سی کا سہارا لیاگیا

احتشام مفتی بدھ 12 دسمبر 2018

محکمہ داخلہ کا این اوسی سے اظہار لاتعلقی، درآمدکنندہ و کلیئرنگ ایجنٹ کیخلاف مقدمہ درج فوٹو: فائل

کراچی: پاکستان کسٹمز اپریزمنٹ ویسٹ کلکٹریٹ نے جعلی دستاویزات پر جرمنی سے درآمد ہونے والی قیمتی بلٹ پروف گاڑی کی کلیئرنس کا انکشاف کرتے ہوئے متعلقہ درآمدکنندہ اور کسٹمزکلیئرنگ ایجنٹ کے خلاف مقدمہ درج کرلیا ہے۔

ذرائع نے ایکسپریس کو بتایا کہ میسرزایڈن ہاؤسنگ لمیٹڈکے سی ای او محمدامجدکی جانب سے جرمنی سے بی ایم ڈبلیو750Liبلٹ پروف گاڑی سال 2013 میں درآمد کی گئی تھی جس کی کلیئرنس کلیئرنگ ایجنٹ جاویدعمرانٹرپرائزز کے توسط سے کروائی گئی تھی۔ ذرائع نے بتایا کہ میسرزایڈن ہائوسنگ لمیٹڈکی جانب سے مذکورہ بلٹ پروف گاڑی کی کلیئرنس کے لیے وفاقی وزارت داخلہ کی جعلی این او سی کاسہارا لیاگیا تھا۔