- جسٹس بابر ستار پر الزامات ہیں تو کلیئر کریں، فیصل واوڈا
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
کراچی کو آلودگی سے پاک پانی کی فراہمی کیلیے ٹریٹمنٹ پلانٹ فعال کیا جائے، ادارہ تحفۃ ماحولیات
کراچی: کراچی کو آلودگی سے پاک پانی کی فراہمی یقینی بنانے کے لیے ادارہ تحفظ ماحولیات نے موثر کردار ادا کرتے ہوئے سندھ انڈسٹریل ٹریڈنگ اسٹیٹ ( سائٹ ) لمیٹڈ کو ہدایت کی ہے کہ سرکاری سرپرستی میں نصب ملک کے سب سے بڑے ٹریٹمنٹ پلانٹ کو فوری فعال بنایا جائے ۔
سیکریٹری محکمہ ماحولیات و متبادل توانائی حکومت سندھ ڈاکٹر ذوالفقار علی شلوانی نے کہا ہے کہ حکومت سندھ کی مالی معاونت سے مکمل شدہ کوٹری صنعتی ایریا میں نصب کمبائنڈ ایفلیوئنٹ ٹریٹمنٹ پلانٹ کو فوری طور پر آپریشنل کیا جائے تاکہ مذکورہ علاقے میں واقع صنعتوں سے نکلنے والے آلودہ پانی کے کلری باگہار (کے بی )فیڈر کینال میں براہ راست بہہ جانے کے دیرینہ مسئلے کا فوری طور پر خاتمہ کیا جاسکے۔
مذکورہ کینال سے پانی کینجھر جھیل کے ذریعے کراچی کو فراہم کیا جاتا ہے،منیجنگ ڈائریکٹر سائٹ کے دفتر میں مذکورہ پلانٹ پر ہونے والی بریفنگ کے بعد سیکریٹری ماحولیات نے کہا کہ سندھ کے دیگر صنعتوں علاقوں کی انجمنوں کو بھی اپنی مدد آپ کے تحت مشترکہ ٹریٹمنٹ پلانٹ لگا کر صنعتی آلودگی کے گھمبیر مسئلے کے پائیدار حل کے لیے فوری اقدات کرنے چاہئیں تاکہ صوبے سے آلودگی کے عفریت کا ٹھوس بنیادوں پر خاتمہ کیا جاسکے،اس موقع پر ادارہ تحفظ ماحولیات حکومت سندھ کے ڈائریکٹر جنرل نعیم احمد مغل نے کہا کہ صنعتی علاقوں میں مشترکہ ٹریٹمنٹ پلانٹ کی تنصیب میں ای پی اے سندھ کے تکنیکی ماہرین کی مدد حاصل کرنے سے نتائج مزید بہتر ہوسکتے ہیں۔
انھوں نے کہا کہ ای پی اے سندھ کے افسران صوبے میں ماحولیاتی تحفظ کے ضمن میں اُٹھائے جانے والے ہر نوعیت کے اقدامات میں رہنمائی و مشاورت کرنے کی بھرپور صلاحیت رکھتے ہیں،اس سے قبل ایم ڈی سائٹ سجاد حسین عباسی نے سندھ کے ماحولیاتی افسران کو پلانٹ کی تنصیب کے پس منظر سے آگاہ کرتے ہوئے کہا کہ حکومتی سرپرستی میں لگایا جانے والا یہ ملک کا سب سے بڑا ٹریٹمنٹ پلانٹ ہے جس کی تعمیر و تنصیب کم سے کم عرصے میں یقینی بنائی گئی ہے۔
انھوں نے کہا کہ پلانٹ کو جلد از جلد آپریشنل کیا جائے گا اور اس دوران کوٹری انڈسٹریل ایریا کی صنعتوں کا آلودہ پانی کسی بھی قسم کے زرعی پیداواری عمل کے لیے استعمال کرنے کی اجازت ہرگز نہیں دی جائے گی اور اس ضمن میں اگر ضرورت پڑی تو ضلعی انتظامیہ کے توسط سے مذکورہ علاقے میں دفعہ 144بھی نافذ کی جاسکتی ہے،قبل ازیں بریفنگ کے دوران بتایا گیا کہ پلانٹ کی پی سی ون667ملین روپے کی لاگت کے ساتھ اپریل 2010میں منظور کی گئی تھی ۔
جس کی استعداد 2.5ملین گیلن آلودہ پانی روزانہ ٹریٹ کرنے کی ہے، جون 2010میں پلانٹ کی تعمیر و تنصیب کا ٹھیکہ اے آر اے جوائنٹ وینچر کو دیا گیا تھا جبکہ پلانٹ کی مشینری ترکی کی کمپنی آرٹم موہیندے سلک نے فراہم کی تھی، پلانٹ کے آپریشنل ہونے کے بعد کوٹری انڈسٹریل ایریا میں چلنے والی 99فیکٹریاں اپنا آلودہ پانی ٹریٹ کرنے کے بعد کے بی فیڈر کینال میں بہاسکیں گی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔