- چوتھا ٹی ٹوئنٹی: نیوزی لینڈ کے ہاتھوں پاکستان کو مسلسل دوسری شکست
- حماس نے غزہ میں قید اسرائیلی یرغمالی کی نئی ویڈیو جاری کردی
- جامعہ کراچی میں قائم یونیسکو چیئرکے ڈائریکٹر ڈاکٹراقبال چوہدری سبکدوش
- تنزانیہ میں طوفانی بارشیں؛ سیلاب اور لینڈ سلائیڈنگ سے 155 افراد ہلاک
- ججز کو دھمکی آمیز خطوط؛ سپریم کورٹ کا لارجر بینچ 30 اپریل کو سماعت کریگا
- متحدہ عرب امارات کی مارکیٹ میں پاکستانی گوشت کی طلب بڑھ گئی
- زرمبادلہ کے ذخائر میں گزشتہ ہفتے 9 کروڑ 30 لاکھ ڈالر کی کمی
- فوج سے کوئی اختلاف نہیں، ملک ایجنسیز کے بغیر نہیں چلتے، سربراہ اپوزیشن گرینڈ الائنس
- ملک کے ساتھ بہت تماشا ہوگیا، اب نہیں ہونے دیں گے، فیصل واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ مسترد کردی
- جب سے چیف جسٹس بنا کسی جج نے مداخلت کی شکایت نہیں کی، چیف جسٹس فائز عیسیٰ
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
جی ایس پی پلس سے یورپی یونین کیساتھ تجارت 10 ارب یورو ہوجائیگی
اسلام آباد: جی ایس پی پلس کی سہولت حاصل ہونے کے بعد پاکستان یورپی یونین کا بڑا تجارتی شراکت دار بن سکتا ہے اورپاکستان و یورپی یونین کی دو طرفہ تجارت کو10 ارب یورو تک بڑھایا جاسکے گا جبکہ پاکستان کے زرعی اور ماہی گیری کے شعبوں کی برآمدات میں کئی گنا اضافہ ہوگا۔
ہارویسٹ ٹریڈنگ کے چیف ایگزیکٹو آفیسر احمد جواد نے بدھ کو’’ اے پی پی‘‘ سے خصوصی گفتگوکرتے ہوئے بتایا کہ جی ایس پلس کے حصول کے بعد پاکستان اور یورپی یونین کے ممالک کے نہ صرف تجارتی تعلقات میں وسعت آئے گی بلکہ اس سے اقتصادی و سیاسی روابط میں بھی استحکام پیدا ہوگا۔ انہوں نے کہا کہ جی ایس پی پلس کے حصول سے غربت کے خاتمے میں مدد ملے گی اور پائیدار اقتصادی ترقی کے اہداف کے حصول میں مدد ملے گی۔
اس کے علاوہ گورننس کی بہتری میں مدد ملے گی جس سے تجارتی سرگرمیوں کو فروغ حاصل ہوگا۔ احمد جواد نے کہا کہ آئندہ سال جی ایس پی پلس اسٹیٹس سے ملک کے ٹیکسٹائل، زراعت اور ماہی گیری کے شعبوں کو نمایاں فروغ حاصل ہوگا۔
احمد جواد نے بتایا کہ یورپی منڈیوں میں پاکستانی پھلوں اور سبزیوں کی طلب مسلسل بڑھ رہی رہی ہے اس وقت پاکستان یورپی ممالک کو پھلوں، سبزیوں سمیت آم، کینو، کھجور، پیاز، مشروم ، لہسن اور مرچیں برآمد کرتا ہے جبکہ دبئی کے بعد برطانیہ پاکستان آم کا دوسرا بڑا درآمد کنندہ ہے۔ احمد جواد نے بتایا کہ یورپی یونین نے سمندری خوراک کی درآمد پر عائد پابندی 6 سال کے بعد ختم کردی ہے جس سے ملک کی سمندری خوراک کی برآمدات میں نمایاں اضافہ ہوگا۔ پاکستان اپنی سمندری خوراک کی برآمدات کا 26 فیصد حصہ یورپ کو برآمد کرتا ہے۔
انہوں نے بتایا کہ پاکستان کے زرعی شعبے کی صلاحیتوں سے استفادے کیلیے عالمی سرمایہ کار گہری دلچسپی کا مظاہرہ کررہے ہیں جس سے ڈیری اور لائیو اسٹاک کے شعبوں میں نمایاں ترقی ہوگی۔
انہوں نے کہا کہ جلد خراب ہونے والی مصنوعات کی شیلف لائف میں اضافے کیلیے انفرااسٹرکچر کی سہولیات میں بہتری پیدا ہوگی۔ احمد جواد نے ایک سوال کے جواب میں کہا کہ پاکستان میں 180 ملین سے زائد آبادی کیلیے پھل اور سبزیاں پیدا کی جارہی ہیں جو نہ صرف ملکی ضروریات کو پورا کرتی ہیں بلکہ زائد از ضرورت مصنوعات کی برآمدات سے قیمتی زرمبادلہ بھی کمایا جارہا ہے جبکہ حلال فوڈز اوردودھ کی مصنوعات کے شعبوں میں بھی ملکی کارکردگی متاثر کن ہے۔ احمد جواد نے کہا کہ سرکاری اداروں کی ترقی اور استعداد کار میں بہتری کیلیے یورپی ممالک سے ریسرچ اینڈ ڈیولپمنٹ کے تجربات سے استفادہ کرکے سرکاری اداروں کی کارکردگی میں نمایاں بہتری کی جاسکتی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔