کراچی میں اینٹی کارلفٹنگ سیل کی کارروائی؛ 5 مطلوب ملزمان گرفتار

 کراچی: لیاقت آباد میں اینٹی کارلفٹنگ سیل نے کارروائی کرتے ہوئے 5 مطلوب ملزمان کوگرفتارکرلیا۔

ایکسپریس نیوزکے مطابق کراچی کے علاقے لیاقت آباد میں اینٹی کارلفٹنگ سیل کی جانب سے کارروائی کے دوران 5 مطلوب ملزمان کو گرفتارکرلیا گیا ہے جو 2005 سے ٹارگٹ کلنگ، ڈکیتیوں، موٹرسائیکل چھیننے اور لوٹ مار کی وارداتوں میں ملوث ہیں۔

ایس ایس پی اے سی ایل سی کے مطابق ملزمان میں  ہمایوں، کاشف، نادر، اعظم اور آصف  شامل ہیں، جو ماضی میں بھی کئی بار گرفتار ہوچکے ہیں، گرفتارملزمان میں سے اسلحہ، لیپ ٹاپ، موٹرسائیکلیں سمیت دیگربرآمد کیے گئے. ملزمان کا کہنا ہے کہ ڈکیتیوں، چھینے گئے موبائل اورموٹرسائیکلوں کی کتنی وارداتیں کی یاد نہیں۔