حیدرآباد میں مدرسے کے بچوں پر تشدد کی ویڈیو وائرل، پیش امام گرفتار

ویب ڈیسک  جمعـء 14 دسمبر 2018
ملزم شبیراحمد کو حراست میں لینے کے بعد تھانہ کینٹ منتقل کردیا، پولیس - فوٹو: ایکسپریس

ملزم شبیراحمد کو حراست میں لینے کے بعد تھانہ کینٹ منتقل کردیا، پولیس - فوٹو: ایکسپریس

حیدرآباد میں مدرسے کے بچوں پر تشدد کرنے کی ویڈیو سوشل میڈیا پر وائرل ہونے کے بعد پیش امام کو گرفتار کرلیا گیا۔

ایکسپریس نیوز کے مطابق حیدرآباد میں معصوم شاہ کالونی کے ایک مدرسے میں بچوں پر تشدد کی ویڈیو سوشل میڈیا پر وائرل ہوگئی جس میں مدرسے کے قاری کی جانب سے بچوں پر ربڑ کے پائپ سے تشدد کرتے ہوئے دیکھا جاسکتا ہے۔

سوشل میڈیا پر ویڈیو وائرل ہونے کے بعد ایس ایس پی حیدرآباد نے واقعے کا نوٹس لیتے ہوئے ملزم کی فوری گرفتاری کا حکم دیا جس پر کینٹ پولیس نے کارروائی کرتے ہوئے مسجد کے پیش امام کو گرفتار کرلیا جب کہ وزیراعلیٰ سندھ مراد علی شاہ نے بھی واقعے کا نوٹس لیتے ہوئے رپورٹ طلب کرلی۔

بچوں پر تشدد کرنے والے قاری کی شناخت شبیر احمد کے نام سے ہوئی جسے حراست میں لینے کے بعد تھانہ کینٹ منتقل کردیا گیا ہے۔ ایکسپریس نیوز سے بات کرتے ہوئے ملزم شبیر احمد کا کہنا تھا کہ انہوں نے بچوں پر کوئی تشدد نہیں کیا بلکہ صرف ڈرانے کے لیے ایسا کیا، اور میرے خلاف کسی قسم کی کارروائی سے پہلے بچوں کے والدین کو بلایا جائے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔