- پختونخوا؛ طوفانی بارشوں میں 2 بچوں سمیت مزید 3 افراد جاں بحق، تعداد 46 ہوگئی
- امریکا کسی جارحانہ کارروائی میں ملوث نہیں، وزیر خارجہ
- پی آئی اے کا یورپی فلائٹ آپریشن کیلیے پیرس کو حب بنانے کا فیصلہ
- بیرون ملک ملازمت کی آڑ میں انسانی اسمگلنگ گینگ سرغنہ سمیت 4 ملزمان گرفتار
- پاکستان کےمیزائل پروگرام میں معاونت کا الزام، امریکا نے4 کمپنیوں پرپابندی لگا دی
- جرائم کی شرح میں اضافہ اور اداروں کی کارکردگی؟
- ضمنی انتخابات میں عوام کی سہولت کیلیے مانیٹرنگ اینڈ کنٹرول سینٹر قائم
- وزیرداخلہ سے ایرانی سفیر کی ملاقات، صدررئیسی کے دورے سے متعلق تبادلہ خیال
- پختونخوا؛ صحت کارڈ پر دوائیں نہ ملنے پر معطل کیے گئے 15 ڈاکٹرز بحال
- لاہور؛ پولیس مقابلے میں 2 ڈاکو مارے گئے، ایک اہل کار شہید دوسرا زخمی
- پختونخوا؛ مسلسل بارشوں کی وجہ سے کئی اضلاع میں 30 اپریل تک طبی ایمرجنسی نافذ
- پختونخوا؛ سرکاری اسکولوں میں کتب کی عدم فراہمی، تعلیمی سرگرمیاں معطل
- موٹر وے پولیس کی کارروائی، کروڑوں روپے مالیت کی منشیات برآمد
- شمالی کوریا کا کروز میزائل لیجانے والے غیرمعمولی طورپربڑے وارہیڈ کا تجربہ
- پاکستان اور نیوزی لینڈ کے درمیان دوسرا ٹی20 آج کھیلا جائے گا
- بابر کو ماضی کی غلطیوں سے سبق سیکھنے کا مشورہ
- موبائل فون صارفین کی تعداد میں 37 لاکھ کی ریکارڈ کمی
- گیلپ پاکستان سروے، 84 فیصد عوام ٹیکس دینے کے حامی
- ایکسپورٹ فیسیلی ٹیشن اسکیم کے غلط استعمال پر 10کروڑ روپے جرمانہ
- معیشت2047 تک 3 ٹریلین ڈالر تک بڑھنے کی صلاحیت رکھتی ہے، وزیر خزانہ
شہر میں صفائی نہ ہونے سے امراض پھیلنے کا خطرہ
کراچی: شہر میں صفائی و ستھرائی نہ ہونے اورجگہ جگہ پڑے کچرے نے تعفن پھیلادیاجبکہ شہرکو کچرے کے ڈھیر میں تبدیل کردیا گیا ہے۔
بارشوں کے موسم کے باوجود انتظامیہ غفلت کا مظاہرہ کررہی ہے، اس صوتحال کے باعث شہر میں کسی بھی وقت وبائی امراض پھوٹ سکتے ہیں ، ماہرین طب نے کہا ہے کہ عوام کو نگلیریا ، ڈنگی، ڈائریا ، پولیواور خسرہ جیسی بیماریوں کا سامنا ہے، جگہ جگہ گندگی کے ڈھیر سے مختلف امراض وبائی صورت اختیارکرسکتے ہیں، مون سون کی بارشوں کا موسم بھی شروع ہورہا ہے، ہلکی بارش کے بعدکچرے سے شدید تعفن پھیل رہا ہے جس میں مختلف جراثیم اور وائرس جنم لے رہے ہیں، کچرے کا تعفن سانس کے ذریعے انسانی جسم اور پھیپھڑوں میں داخل ہوکر تباہی پھیلا سکتا ہے، تیز بارش ہوتے ہی کچرا مختلف بیماریوں کی آماجگاہ بن جائے گا، حکومت سندھ عوام کو صحت کی سہولتیں فراہم کرنے میں ناکام ہوچکی ہے، مختلف بیماریوں میں مبتلا افراد سرکاری سطح پر طبی سہولتیں نہ ہونے کے باعث علاج نجی اسپتالوں میں کرانے پر مجبور ہیں۔
ڈنگی، نگلیریا ، ڈائریا ، ملیریا سے متاثرہ مریضوں کو علاج کے حوالے سے اخراجات خود برداشت کرنا پڑرہے ہیں، ماہرین نے کہا کہ کراچی میں 3 افراد نگلیریا اور3 ڈنگی وائرس کا شکار ہوکر جاں بحق ہوگئے ہیں، ہزاروں افراد مختلف بیماریوں کا شکار ہیں لیکن حکومت کی جانب سے علاج کی سہولتیں میسر نہیں اور نہ صفائی و ستھرائی کا کوئی موثر انتظام ہے، بلدیہ عظمیٰ کراچی کی جانب سے شہر سے کچرے کو ٹھکانے لگانے کا کام نامعلوم وجوہ کی بنا پر رک گیا ہے، شہرمیں جگہ جگہ کچرے وگندگی کے ڈھیر لگ گئے ہیں جس کی وجہ شہر میںالرجی،دمہ ، سانس سمیت وائرل بیماریوں میں اضافہ ہورہا ہے۔
گزشتہ چند روز سے شہر بھر میں صفائی ستھرائی کا نظام درہم برہم ہے، مختلف علاقوں میں کچرا نہ اٹھائے جانے کے باعث کچرے کے ڈھیر سے تعفن اٹھنے لگا اور بعض مقامات پرکچرے کو جلایا جارہا ہے، ایک اندازے کے مطابق روزانہ شہر میں10ہزار ٹن کچراجمع ہوتا ہے، بلدیہ شرقی میں روزانہ 15سوٹن ، ضلع جنوبی میں 2 ہزار ٹن ، ضلع ملیرمیں ایک ہزار ٹن ، ضلع بن قاسم میںایک ہزار ٹن اور ضلع غربی میں 15سو ٹن کچرا پیدا ہوتا ہے،شہر میں قائم 5کنٹونمنٹ کراچی ،کلفٹن ، ملیر ، فیصل اور کورنگی کریک کنٹونمنٹ بورڈز اس کے علاوہ ہیں۔
بارش کی پیش گوئی کے بعد ماہرین نے خدشہ ظاہر کیا ہے کہ شہر میں بارش کے نتیجے میں تعفن اور وبائی امراض پھوٹ سکتے ہیں ، کچرا غیر قانونی طریقے سے جلایا جارہا ہے جس سیشہریوں میں سانس اور جلدی امراض بڑھ گئے، 10ہزار ٹن کچرے میں سے صرف 12سو ٹن محفوظ طریقے سے لینڈ فل سائیڈ پر جلایا جاتا ہے ، بقیہ کچرا لیاری اور ملیر ندی سمیت مختلف مقامات پھینک دیا جاتاہے محکمہ ماحولیات کے ذرائع کے مطابق شہر میں روزانہ 10ہزار ٹن کچرا پیدا ہوتا ہے جسے محفوظ طریقے سے ٹھکانے لگانے کا بندوبست موجود نہیں ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔