مبارک ویلیج کراچی میں تيل رساؤ کا واقعہ جہاز کے کیپٹن کی غفلت سے پيش آيا

 کراچی: وفاقی وزیر برائے پورٹس اینڈ شپنگ علی زیدی نے  کہا ہے کہ اکتوبر میں مبارک ویلیج ميں تيل کے رساؤ کا واقعہ گڈانی جانے والے جہاز کے کیپٹن کی غفلت کے باعث پيش آيا۔

وفاقی وزيرعلی زيدی نے ٹوئٹر پر لکھا کہ گڈانی کے ساحل پر لنگر انداز ہونے سے پہلے جہاز کے کيپٹن نے تيل سمندر میں چھوڑا، اس واقعے پرڈی جی میری ٹائم کو سیکیورٹی جہاز کے مالک، ايجنٹ اور کيپٹن کے خلاف تحقیقات کی ہدایت کی ہے۔

OIL SPILL AT MUBARAK VILLAGE IN OCT 2018:
Sludge oil spill was caused by a ship headed for beaching at Gaddani. Captain deliberately discharged sludge oil in the sea.
As committed, I hv directed DG-PMSA to immdtly initiate inquiry against the Captain, the agent & the ships owner

— Ali Haider Zaidi (@AliHZaidiPTI) December 16, 2018

علاوہ ازیں وفاقی وزیر برائے پورٹس اینڈ شپنگ علی زیدی نے آصف علی زرداری کی میڈیا سے گفتگو پرردعمل دیتے ہوئے کہا کہ آپ کی حکومتیں ڈالر بیرون ملک اپنے خزانوں میں جمع کراتی رہیں، اب آپ معیشت کی نہیں بلکہ اپنے فارن کرنسی اکاونٹس کی فکر کریں جن میں ڈالر بھیجتے رہے ہیں۔

یہ بھی پڑھیں: کراچی کے ساحل پر تیل کے رساؤ کی تحقیقات کا دائرہ وسیع

انہوں نے کہا کہ زرداری صاحب کو ڈالرز کا بہت پتہ ہے اگر وہ ایف آئی اے کو اپنے ڈالرز کا بتادیں تو ملک کا بھلا ہوجائے گا۔