قوم نے چیلنجز کی بھاری قیمت چکائی لیکن بہادری سے مقابلہ کیا، آرمی چیف

 راولپنڈی: آرمی چیف جنرل قمر جاوید باجوہ نے کہا ہے کہ قوم نے چیلنجز کی بھاری قیمت چکائی لیکن بہادری سے مقابلہ کیا۔

ڈی جی آئی ایس پی آر میجر جنرل آصف غفور نے سانحہ آرمی پبلک اسکول کی  برسی کے موقع پر ہمیں_آگے_ہی_جانا_ہے کے ہیش ٹیگ کے ساتھ آرمی چیف کا پیغام ٹوئٹ کیا۔

“Remembering & praying for our APS Martyrs. Salute to the brave parents. Nation has bravely faced challenges at heavy cost to come out successful. We stay united & steadfast to carry forward Pakistan to its rightful destination of peace & prosperity,IA”,COAS.#ہمیں_آگے_ہی_جانا_ہے

— Maj Gen Asif Ghafoor (@OfficialDGISPR) December 16, 2018

آرمی چیف جنرل قمر جاوید باجوہ نے سانحہ اے پی ایس کے شہدا اور ان کے والدین کو سلام پیش کرتے ہوئے کہا کہ شہدا کے لیے دعا گو ہوں اور شہدا کے بہادر والدین کو سلام پیش کرتے ہیں۔

پاک فوج کے سربراہ نے کہا کہ قوم نے بہادری سے چیلنجز کا مقابلہ کیا اور کامیابی کے لیے بھاری قیمت چکائی، پاکستان کو امن اورخوشحالی کی جانب لے جانے کے لیے پوری قوم متحد ہے اور پرعزم  ہو کر پاکستان کو امن و خوشحالی کی حقیقی منزل تک لے جانا ہے۔