- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گذشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
- وزیراعظم کا اسمگلنگ کے خاتمے کے لیے ملک گیر مہم تیز کرنے کا حکم
- جی-7 وزرائے خارجہ کا اجلاس؛ غزہ میں جنگ بندی کا مطالبہ
- پنڈی اسٹیڈیم میں بارش؛ بھارت نے چیمپیئنز ٹرافی کی میزبانی پر سوال اٹھادیا
پیپلز پارٹی کے زیر اہتمام ملک بھر میں یوم سیاہ منایا گیا
اسلام آباد / کراچی / لاہور: پیپلز پارٹی کے زیر اہتمام جمعہ 5جولائی کو ملک بھر میں یوم سیاہ منایا گیا اس دن کی مناسبت سے ملک بھر میں پیپلز پارٹی کے تحت احتجاجی تقاریب اور سیمینارز کا انعقادکیا گیا۔
کراچی میں پیپلز سیکریٹریٹ میں یوم سیاہ کے اجتماع سے خطاب کرتے ہوئے مقررین نے اس عزم کا اعادہ کیا کہ ملک میں جمہوریت کے استحکام کے لیے پیپلزپارٹی اپنی جدوجہد جاری رکھے گی اور شہید بھٹو کا مشن جاری رکھا جائے گا۔ پیپلز پارٹی سندھ کے جنرل سیکریٹری تاج حیدر نے کہا کہ تاریخ کی نظر میں سپریم کورٹ نے جو فیصلے دیے ہیں وہ ظالمانہ ہیں، جنوبی پنجاب میں دہشت گردوں کے کیمپ لگے ہوئے ہیں اور وہ کراچی میں بھی دہشت گردی کرتے ہیں۔عبدالقادرپٹیل نے کہا کہ اگرکراچی میںسیاسی، سماجی اور معاشی تقسیم برابر ی کی بنیاد پر ہوگی تو سب مسائل حل ہوجائیں گے،کراچی کا حل سیاسی ہے اگر تمام جماعتوں مسلم لیگ، تحریک انصاف اور پیپلز پارٹی کو برابر ی کی بنیاد پر انتخابات میں حصہ ملے گا تو کوئی بھی مسئلہ پیدا نہیں ہوگا، یہ شہر پر امن رہے گا۔ سازش کے تحت کراچی کا امن تباہ کیا جارہا ہے تاکہ ایک دن سپریم کورٹ اور وفاق بھی کہے کہ سندھ حکومت ناکام ہوچکی ہے اس لیے صوبے کو گورنر کے ذریعے کنٹرول کیا جائے۔
کراچی میں جو فورسز کا رروائی کر رہی ہیں وہ وزیر اعلیٰ کے احکام نہیں مانتیں، پرویز مشرف کا ساتھ دینے والے آج نوازشریف کی کابینہ کا حصہ ہیں۔ سعید غنی نے کہا کہ اگر پرویز مشرف کے خلاف 3 نومبر سے کارروائی کی جاتی ہے تو اس کا کوئی فائدہ نہیں ہے۔ تقریب سے پروفیسر این ڈی خان ،سینیٹرسعید غنی، اراکین سندھ اسمبلی جاوید ناگوری، شمیم ممتاز،کراچی ڈویژن کے صدر عبدالقادر پٹیل، نجمی عالم، لطیف مغل ، حبیب الدین جنیدی اور دیگر نے بھی خطاب کیا۔دریں اثنا پیپلز پارٹی لاہور کے زیر اہتمام یوم سیاہ کی تقریب سے خطاب کرتے ہوئے پیپلزپارٹی پنجاب کے صدرمنظوروٹو نے کہاکہ جنرل ضیا نے ملک کو آئین اورایٹم بم دینے والے ذوالفقار علی بھٹو کو پھانسی دی ۔ کشکول توڑنیکی باتیں کرنیوالے نواز شریف نے ڈبل کشکول اٹھا لیا ہے ،کارکن دل برداشتہ نہ ہوں ،ہم سے الیکشن چھینا گیالیکن ہم بھاگیں گے نہیں بلکہ میدان میں رہ کر مقابلہ کریں گے ۔ تقریب سے پیپلزپارٹی لاہور کی صدر ثمینہ خالد گھرکی، تنویر اشرف کائرہ،نوید چوہدری اور دیگر نے بھی خطاب کیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔