سعودی باپ ڈوبتی بیٹیوں کو بچاتے ہوئے دم توڑ گیا

ریاض: سعودی عرب میں بیٹیوں کو ڈوبنے سے بچانے والا باپ خود منہ کے موت میں چلا گیا۔

عرب میڈیا رپورٹس کے مطابق جازان شہر میں ایک فیملی بیٹے کے گریجویشن کی خوشی میں مقامی ہوٹل میں موجود تھی جہاں خوشی کا ماحول سوگ میں تبدیل ہوگیا۔ احمد علی نامی شہری نے اپنی جان پر کھیلتے ہوئے سوئمنگ پول سے نکال لیا، والد نے اپنی بیٹیوں کی جان تو بچالی لیکن خود ہارٹ اٹیک سے جان گنوا بیٹھا۔

مأساة في مسبح شاليه بجازان .. محاولة مواطن إنقاذ ابنتيه انتهت بوفاته.https://t.co/8CPFVOlZpn pic.twitter.com/IBOKF8GaNe

— صحيفة سبق الإلكترونية (@sabqorg) December 16, 2018

متوفی کے رشتے دار نے بتایا کہ تالاب میں نہاتے ہوئے دوبہنیں ڈوبنے لگیں تو والد نے پول میں چھلانگ لگا دی اور انہیں بحفاظت باہر نکالتے ہی ان کی حالت غیر ہوگئی،  دل میں درد کے باوجود باپ نے سب سے پہلے بیٹیوں کے بارے میں پوچھا کہ وہ بالکل ٹھیک ہیں؟ تو فوراً سے بیٹیاں ان کے سامنے آگئیں جس کے بعد والد کی آنکھیں بند ہوگئیں اور انہیں فوری طور پر اسپتال منتقل کیا گیا جہاں ڈاکٹرز نے ان کی موت کی تصدیق کردی۔