آرمی چیف سے امریکی نمائندہ خصوصی زلمے خلیل زاد کی ملاقات

 راولپنڈی: سربراہ پاک فوج جنرل قمر جاوید باجوہ نے امریکی نمائندہ خصوصی زلمے خلیل زاد سے ملاقات کے دوران خطے میں امن و استحکام لانے کی کوششیں جاری رکھنے کی یقین دہانی کرائی ہے۔

ترجمان پاک فوج کے مطابق آرمی چیف جنرل قمرجاوید باجوہ سے امریکی نمائندہ خصوصی زلمے خلیل زاد نے ملاقات کی ہے۔ ملاقات کے دوران علاقائی سلامتی اورافغان امن عمل پر بات چیت کی گئی۔ زلمے خلیل زاد نے افغان امن عمل میں پاکستان کی کوششوں کوسراہا۔

ڈی جی آئی ایس پی آر کے مطابق آرمی چیف نے امریکی نمائندہ خصوصی کو خطے میں امن واستحکام لانے کی کوششیں جاری رکھنے کی یقین دہانی کرائی۔ انہوں نے کہا کہ پاکستان خطےمیں امن کیلئےکوششیں جاری رکھےگا۔

H.E Mr Zalmay Khalilzad called on COAS. Regional security and Afg peace process discussed. Visiting dignitary appreciated Pak’s efforts for Afg peace process. COAS reiterated that peace in Afg is imp for Pak and assured cont efforts for bringing peace and stability in the region. pic.twitter.com/GlMWpfm1cJ

— Maj Gen Asif Ghafoor (@OfficialDGISPR) December 19, 2018

واضح رہے کہ متحدہ عرب امارات میں امریکا اور افغان طالبان کے درمیان امن مذاکرات کے 3 ادوار مکمل ہوگئے ہیں، مذاکرات مکمل ہونے کے بعد امریکی نمائندہ خصوصی کا دورہ انتہائی اہمیت کا حامل سمجھا جارہا ہے۔