امریکی وزیر دفاع جیمز میٹس کا عہدے سے مستعفی ہونے کا اعلان

 واشنگٹن: امریکی وزیر دفاع جیمز میٹس نے عہدے سے مستعفی ہونے کا اعلان کر دیا۔

امریکی میڈیا کے مطابق امریکی وزیر دفاع جیمز میٹس نے عہدے سے مستعفی ہونے کا اعلان کردیا، جیمز میٹس نے استعفے کا اعلان صدر ٹرمپ سے اختلافات پر کیا، انہوں نے کہا کہ عہدے سے مستعفی ہونا ہی میرے لیے بہتر ہے۔

دوسری جانب امریکی صدر ٹرمپ نے سماجی رابطے کی ویب سائٹ ٹوئٹر پر اپنے پیغام میں لکھا کہ وزیر دفاع جیمز میٹس فروری 2019 میں ریٹائر ہوجائیں گے، جیمز میٹس نے اپنی 2 سالہ وزارت کے دوران قابل قدر کارکردگی دکھائی۔ جیمز میٹس نے دوران ملازمت زبردست کامیابیاں حاصل کیں، خاص طور پر جنگی سازو سامان کی خریداری میں انہوں نے اہم کردار ادا کیا۔

….equipment. General Mattis was a great help to me in getting allies and other countries to pay their share of military obligations. A new Secretary of Defense will be named shortly. I greatly thank Jim for his service!

— Donald J. Trump (@realDonaldTrump) December 20, 2018

ڈونلڈ ٹرمپ نے کہا کہ جنرل میٹس نے ہمارے اتحادیوں اور دوسرے ممالک کو ان کے ساتھ فوجی ذمہ داریوں میں حصہ ڈالنے میں میری بہت مدد کی۔ صدر ٹرمپ نے جنرل جیمز میٹس کی خدمات پر ان کا شکریہ ادا کرتے ہوئے کہا کہ نئے وزیر دفاع کے نام کا اعلان جلد ہو گا۔