- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
بینظیر قتل کیس 6 مضبوط گواہان کا مشرف کیخلاف پیش نہ ہونے کا فیصلہ
راولپنڈی: سابق وزیراعظم بینظیربھٹوقتل کیس میں مرکزی ملزم قراردیے جانے والے سابق صدرجنرل (ر) پرویزمشرف کے خلاف ایف آئی اے کی جوائنٹ انویسٹی گیشن ٹیم مقدمہ ٹرائل کرانے میں شدیدمشکلات کاشکار ہوگئی ہے۔
اس مقدمے کی سماعت آج (منگل کو) انسداددہشت گردی کی خصوصی عدالت نمبر1 راولپنڈی میں ہوگی۔ عدالتی حکم کے باوجود پولیس اورجیل انتظامیہ نے آج بھی ملزم پرویزمشرف کو عدالت میں پیش نہ کرنے کا فیصلہ کیاہے، اس ضمن میں دائرکردہ درخواست میں موقف اختیارکیا گیاہے کہ سیکیورٹی کے خطرات کے باعث ملزم کو پیش نہیں کیا جاسکتا جبکہ پرویزمشرف کی طرف سے بھی مقدمے کے فیصلے تک حاضری سے استثنیٰ کی درخواست دائر کردی گئی ہے جس کی سماعت بھی آج ہوگی۔ نیز سابق صدرپر فردجرم عائدکرنے کے لیے مقدمے کی نقول تقسیم کی جائیں گی۔ پرویزمشرف کے خلاف ایف آئی اے کی جوائنٹ انویسٹی گیشن ٹیم نے جوانتہائی مضبوط 6 گواہ تیارکیے تھے ان گواہوں نے اپنے طورپر بطور گواہ عدالت میں پیش نہ ہونے کافیصلہ کیاہے۔ اورجو گواہ طلبی پر بہ امر مجبوری پیش کیاگیا وہ پرویزمشرف کے خلاف ان کے بطورملزم شہادت نہیں دے گا۔
انھوں نے اس ضمن میں ذمے داران کو آگاہ بھی کردیاہے۔ مقدمے کے اہم ترین مرکزی گواہ امریکی صحافی مارک سیگل نے پاکستان آکر بیان دینے کے حوالے سے تو تفتیشی ٹیم کو کوراجواب دے دیاہے۔ دوسرے امریکی صحافی رون سسکنڈنے بھی مشرف کے خلاف گواہی دینے سے انکار کردیاہے۔
تفتیشی ٹیم نے سابق ڈی جی آئی بی بریگیڈیئر(ر) اعجازشاہ، وزارت داخلہ کے سابق ترجمان بریگیڈیئر(ر) جاویداقبال چیمہ، سابق سیکریٹری داخلہ سیدکمال شاہ کے نام بھی بطورگواہ چالان میں شامل کیے ہیں مگران سابق اعلیٰ افسران نے بھی اپنے سابق باس کے خلاف گواہی نہ دینے کافیصلہ کرلیاہے جبکہ ایف آئی اے کے افسران بھی بطورگواہ پیشی سے تذبذب کاشکار ہیں۔ سابق ڈی آئی جی سعودعزیز کے خلاف مقدمے میںجن پولیس افسران کے نام بطورگواہ شامل کیے گئے تھے ان کی گواہی بھی ناممکن بن گئی ہے۔
پولیس افسران کاموقف ہے کہ اس مقدمے میں جو 5ملزمان جیل میں ہیں انھیں سابق ڈی آئی جی سعودعزیز نے ہی گرفتار کیا تھا۔ ان پانچوںملزمان کو پولیس، ایف آئی اے کی تفتیشی ٹیم کے علاوہ پیپلزپارٹی کی قیادت بھی درست ملزم قرار دیتی ہے۔ ان ملزمان نے مجسٹریٹ کے سامنے یہ اقبال جرم بھی کررکھاہے کہ انھوں نے طالبان کمانڈربیت اللّہ محسودکی ہدایت پر سابق وزیراعظم کوقتل کیاتھا۔ اس کیس کاایک اہم پہلویہ بھی ہے کہ بینظیربھٹو کے کسی خونی وارث نے آج تک اس کیس کی پیروی نہیں کی اورنہ ہی بینظیرکے ساتھ جاںبحق ہونے والے 23جیالوں کے ورثااور زخمی ہونے والے 80کارکنوں نے کبھی پیروی کی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔