ٹی وی شومیں خواتین سے متعلق نازیبا کمنٹس، پانڈیا اور راہول پر پابندی کاامکان

نئی دہلی:  ٹی وی شو میں خواتین سے متعلق نازیبا کمنٹس پر بھارتی کرکٹر ہردیک پانڈیا اور لوکیش راہول پر پابندی کا امکان ہے۔

اگرچہ کمیٹی آف ایڈمنسٹریشن کے سربراہ ونود رائے 2 میچز کی معطلی کو کافی سمجھتے ہیں، البتہ بورڈ کے خازن انیرودھ چوہدری نے کہاکہ دونوں نے الٹی سیدھی باتوں سے بھارتی کرکٹ کو بدنام کیا، جس طرح بال ٹیمپرنگ پر اسٹیون اسمتھ اور ڈیوڈ وارنر کو آئی پی ایل سے باہر کردیا گیا تھا اسی طرح ان دونوں کو بھی سخت سزا ملنی چاہیے۔ یاد رہے کہ بی سی سی آئی پہلے ہی دونوں کو شوکاز نوٹس جاری کرچکا ہے۔