عوام پر ایک اور مہنگائی بم گرادیا گیا؛دواؤں کی قیمتوں میں 15 فیصد تک اضافہ

ویب ڈیسک  جمعـء 11 جنوری 2019
ادویہ ساز کمپنیوں نے ادوایات کی قیمتوں میں اضافے کا مطالبہ کیا تھا فوٹو: فائل

ادویہ ساز کمپنیوں نے ادوایات کی قیمتوں میں اضافے کا مطالبہ کیا تھا فوٹو: فائل

 اسلام آباد: ڈرگ ریگولیٹری اتھارٹی نے ملک بھر میں ادویات کی قیمتوں میں 15 فیصد تک اضافہ کردیا ہے۔

ایکسپریس نیوز کے مطابق ڈرگ ریگولیٹری اتھارٹی نے ملک بھر میں ادویات کی قیمتوں میں اضافہ کردیا ہے، جس کے بعد تمام ادویات 9 سے 15 فیصد تک مہنگی ہوگئی ہیں، ریگولیٹری اتھارٹی نے وفاقی حکومت کی منظوری کے بعد نوٹی فکیشن بھی جاری کردیا ہے۔

واضح رہے کہ ادویہ ساز کمپنیوں نے گزشتہ حکومت سے بھی ادوایات کی قیمتوں میں اضافے کا مطالبہ کیا تھا تاہم اسے منظور نہیں کیا گیا تھا، اس سلسلے میں کمپنیوں نے سپریم کورٹ سے بھی رجوع کیا تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔