- جسٹس بابر ستار پر الزامات ہیں تو کلیئر کریں، فیصل واوڈا
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
بالائی علاقوں میں برفباری جاری، راستے بند، نظام زندگی منجمد
لاہور / اسلام آباد / پشاور: ملک کے بالائی علاقوں میں بارش اور برف باری کا سلسلہ اتوار کوبھی وقفے وقفے سے جاری رہا، نظام زندگی درہم برہم سردی کی شدت میں اضافہ ہو گیا جبکہ پنجاب کے میدانی علاقوں میں دھند کا سلسلہ بھی جاری ہے، وادی کاغان میں برف باری کا15سالہ ریکارڈ ٹوٹ گیا، درجہ حرارت منفی7 ڈگری تک پہنچ گیا، شوگراں، بھونجہ اور ناران میں4 فٹ سے زائد برف باری ہوئی، کئی علاقوں میں بجلی بند ہوگئی۔
اسلام آباد میں 2 روز سے ہونے والی بارش سے موسم شدید سرد ہوگیا جبکہ اسلام آباد کے نواحی علاقے شاہ اللہ دتہ میں بھی برف باری ہوئی، مری میں رات بھر وقفے وقفے سے ہلکی اور تیز برف باری ہوتی رہی جس کے باعث اکثر سڑکیں بند ہوگئیں اور شدید ٹریفک جام رہا، گاڑیوں کی میلوں لمبی قطار لگ گئیں، سیکڑوں سیاح پھنس کر رہ گئے، 2 فٹ سے زائد برف پڑی، انتظامیہ نے سیاحوں کو ٹول پلازا، جھیکا گلی اور لوئرٹوپہ سے ہی واپس بھیجنے کا الرٹ جاری کردیا، ٹریفک پولیس نے شدید برف باری کے دوران6ہزار کے قریب سیاحوں کو ریسکیو کرتے ہوئے منزل تک پہنچایا، جمعہ سے اتوار تک ایک لاکھ سے زائد گاڑیاں مری میں داخل ہوئیں۔
گلگت بلتستان کے اکثر علاقوں میں برف باری کے بعد درجہ حرارت نقطہ انجماد سے نیچے گر گیا، خراب موسم کے باعث گلگت سے اسلام آباد کیلیے پی آئی اے کی پروازیں بھی 2دن سے معطل ہیں، اسکردوکادرجہ حرارت منفی8 ڈگری ریکارڈ کیا گیا، ایبٹ آباد، مانسہرہ اور ناران میں بھی برف باری سے کئی رابطہ سڑکیں بند ہوگئیں ، ایبٹ آباد ، مری روڈ ٹر یفک کیلیے کھول دی گئی، نتھیا گلی میں2، چھا نگلہ گلی میں3 اور ٹھنڈیانی میں 4 فٹ برف پڑی، برف باری دیکھنے کیلیے2دنوں کے دوران 40ہزار سے زائد سیاحوں نے گلیات کا رخ کیا، چترال میں سڑکوں اور راستوں پر کھڑا پانی جم گیا، پیدل چلنا بھی محال ہوگیا، لواری ٹنل کا راستہ بھی بند ہے، وادی کیلاش میں برفانی تودہ گرنے سے 12افراد دب گئے۔
مقامی لوگوں نے اپنی مدد آپ کے تحت تما م افرد کو زندہ نکال لیا، دیر میں بارش اور بالائی علاقوں میں برف باری کا سلسلہ تھم گیا، لواری ٹاپ میں 4 فٹ، لواری ٹنل کے قریب 3 فٹ اور کمراٹ میں2 فٹ برف پڑی، رابطہ سڑکیں بند ہوگئیں، لواری ٹنل کی سڑک برف کی صفائی ہونے پر ٹریفک کیلیے بحال کردی گئی۔ جہلم، ساہیوال، سیالکوٹ اور آزادکشمیر میں ابر رحمت نے سردی میں مزید اضافہ کردیا، دوسری جانب موٹروے اورقومی ہائی ویز کے مختلف حصوں کو اتوار کی صبح شدید دھند کے باعث ٹریفک کیلیے بند کردیا گیا۔
پشاورتا رشکئی، پنڈی بھٹیاں تا فیصل آباد، فیصل آباد تا گوجرہ اورخانیوال تا ملتان موٹروے بند رہی، ملتان، چیچہ وطنی ، میاں چنوں، بہاولپور، رحیم یارخان اورصادق آباد میں بھی شدید دھند کی وجہ سے ٹریفک کو رواں رکھنے میں شدید مشکلات کاسامنا رہا۔ محکمہ مو سمیات کے مطابق آئندہ 24 گھنٹوں کے دوران ملک کے بیشتر علاقوں میں موسم شدید سرد اور خشک رہے گا، لاہور، گوجرانوالہ، اسلام آباد، پشاور، مردان ، مالاکنڈ ڈویژن، گلگت بلتستان اور کشمیر میں چند مقامات پر بارش اور پہاڑوں پر برف باری جبکہ پنجاب اور بالائی سندھ کے بعض مقامات پر دھند پڑنے کا امکان ہے۔
اتوار کو کالام، قلات کا کم سے کم درجہ حرارت منفی 11 ڈگری، اسکردو، مالم جبہ،کوئٹہ منفی8، کاغان، بگروٹ،گوپس منفی 7، استور منفی6، چترال، ہنزہ منفی 5، دالبندین منفی 4 ، مری، دیر، پارا چنار، ایبٹ آبادمیں منفی 3جبکہ میر کھانی اورگلگت میں منفی2 سینٹی گریڈ ریکارڈ کیا گیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔