- جسٹس بابر ستار پر الزامات ہیں تو کلیئر کریں، فیصل واوڈا
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
لیاری سے اب تک 1300 افراد نقل مکانی کرچکے ہیں، محکمہ داخلہ سندھ
کراچی: حکومت سندھ نے وفاقی وزارت داخلہ کو لیاری سے کچھی برادری کی نقل مکانی سے متعلق رپورٹ بھجوادی ہے جس میں 1300 افراد کی نقل مکانی کی تصدیق کی گئی ہے اور اس کے پیچھے سیاسی عنصر کا امکان بھی ظاہر کیا گیا ہے جس کا مقصد سیاسی فائدہ اور حمایت حاصل کرنا ہے۔
محکمہ داخلہ سندھ کی جانب سے نیشنل کرائسز مینجمنٹ سیل اسلام آباد کو بھیجی گئی رپورٹ میں کہا گیا ہے کہ لیاری میں کچھی رابطہ کمیٹی اور پیپلز امن کمیٹی کے درمیان ہونے والے تصادم میں ہلاکتوں کے واقعات پیش آرہے تھے جس کے بعد کچھی برادری کے لوگ ضلع ٹھٹھہ اور بدین کے علاقوں میں نقل مکانی کررہے ہیں، رپورٹ کے مطابق ڈپٹی کمشنر بدین نے ایک ہزار افراد کے بدین پہنچنے کی تصدیق کی ہے جن میں خواتین اور بچے بھی شامل ہیں، ان افراد کے لیے ضلعی انتظامیہ کی جانب سے میڈیکل کیمپ لگائے دیئے گئے ہیں اور صفائی ستھرائی، خوراک اور پینے کے پانی کا انتظام بھی کیا جارہا ہے۔
رپورٹ کے مطابق ٹھٹھہ اور بدین کی ضلعی انتظامیہ کا کہنا ہے کہ نقل مکانی کے پس پشت سیاسی عنصر ہے جس کا مقصد سیاسی فائدہ اور حمایت حاصل کرنا ہے، رپورٹ میں سیاسی قیادت سے بھی درخواست کی گئی ہے کہ وہ لیاری میں قیام امن کے لیے دونوں فریقین سے بات چیت کے لیے اپنا کردار ادا کریں تاکہ لیاری سے نقل مکانی کرنے والے افراد واپس اپنے گھروں کو لوٹ سکیں۔ اس حوالے سے کمشنر کراچی نے لیاری میں مسائل کے حل کے لیے ڈپٹی کمشنر ساؤتھ اور ڈی آئی جی ساؤتھ کو اقدامات اٹھانے کی ہدایت کی ہے جن کی نگرانی خود کمشنر کراچی اور ایڈیشنل آئی جی کراچی کررہے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔