ایون فیلڈ ریفرنس پر سپریم کورٹ نے بہترین فیصلہ کیا ہے، شہباز شریف

ویب ڈیسک  پير 14 جنوری 2019
فوجی عدالتوں کے معاملے پر حکومت نے رابطہ کیا تو دیکھیں گے، شہباز شریف۔ فوٹو:فائل

فوجی عدالتوں کے معاملے پر حکومت نے رابطہ کیا تو دیکھیں گے، شہباز شریف۔ فوٹو:فائل

 اسلام آباد: شہباز شریف کا کہنا ہے کہ ایون فیلڈ ریفرنس پر سپریم کورٹ نے بہترین فیصلہ کیا ہے۔

سپریم کورٹ کی جانب سے ایون فیلڈ ریفرنس میں نیب کی اپیل مسترد ہونے پر قائد حزب اختلاف شہباز شریف نے ردعمل کا اظہار کرتے ہوئے کہا کہ اللہ کا شکر ہے ہم سرخ رو ہوئے، سپریم کورٹ نے بہترین فیصلہ کیا ہے، اس فیصلے سے قانون کی حاکمیت آگے چلے گی۔ انہوں نے کہا کہ اگلے مرحلے میں العزیزیہ ریفرنس میں اسلام آباد ہائیکورٹ اپیل سنے گی اور اسلام آباد ہائیکورٹ سے انصاف کی امید ہے۔

اس خبر کو بھی پڑھیں : ایون فیلڈریفرنس؛ نوازشریف اور مریم نواز کی سزا معطلی کیخلاف نیب اپیل خارج

فوجی عدالتوں کے حوالے سے سابق وزیراعلیٰ پنجاب شہباز شریف نے کہا کہ فوجی عدالتوں کے معاملے پر حکومت نے رابطہ کیا تو دیکھیں گے، فوجی عدالتوں کا قیام ہمارا ہی اقدام تھا۔ ان کا کہنا تھا کہ فوجی عدالتوں کی وجہ سے دہشت گردی کے خلاف جنگ میں کامیابیاں ملیں، آپریشن ضرب عضب کی وجہ سے دہشتگردی میں کمی آئی اور فوجی عدالتیں بننے سے دہشت گردوں میں خوف پیدا ہوا۔



ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔