اصل سکون اور خوشی والد کی گھر واپسی پر ہوگی، مریم نواز

ویب ڈیسک  پير 14 جنوری 2019
 حقیقت تو یہ ہے کہ میں کبھی بھی ایک لمحے کے لئے پریشان نہیں تھی، مریم نواز۔ فوٹو : فائل

حقیقت تو یہ ہے کہ میں کبھی بھی ایک لمحے کے لئے پریشان نہیں تھی، مریم نواز۔ فوٹو : فائل

لاہور: ایون فیلڈ ریفرنس میں سابق وزیراعظم نوازشریف کی سزا کے خلاف نیب کی اپیل مسترد ہونے  پر مریم نوازکا کہنا ہے کہ مجھے اصل سکون اور خوشی والد کی گھر واپسی پر ہوگی۔

سپریم کورٹ کی جانب سے ایون فیلڈ ریفرنس میں سابق وزیراعظم نوازشریف کی سزا معطلی پر نیب کی اپیل مسترد کیے جانے کے فیصلے  پر خوشی کا اظہار کرتے ہوئے نوازشریف کی صاحبزادی مریم نوازکا کہنا ہے کہ مجھے اللہ پر اعتماد ہے اور عوام کی دعاؤں کا بھی شکریہ۔

اس خبرکوبھی پڑھیں: نوازشریف اور مریم نواز کی سزا معطلی کیخلاف نیب اپیل خارج

سماجی رابطے کی ویب سائٹ ٹویٹر پر اظہارِخیال کرتے ہوئے مریم نواز  کا کہنا تھا کہ حقیقت تو یہ ہے کہ میں کبھی بھی ایک لمحے کے لئے پریشان نہیں تھی، آج کے فیصلے پر اللہ کی شکرگزار ہوں، لیکن اصل سکون اور خوشی والد کی گھر واپسی پر ہوگی۔



ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔