پاکستان قطر سے ادھار پرایل این جی کا مطالبہ کرے گا

وزیراعظم کی جانب سے ایل این جی کی کریڈٹ فیسیلیٹی میں ایک سال تک توسیع کرائے جانے کاامکان ہے۔

ظفر بھٹہ منگل 15 جنوری 2019

وزیراعظم کی جانب سے ایل این جی کی کریڈٹ فیسیلیٹی میں ایک سال تک توسیع کرائے جانے کاامکان ہے۔ :فوٹو:فائل

اسلام آباد: وزیراعظم عمران خان اپنے آئندہ دورہ قطرکے دوران ادائیگیوں میں توازن کیلیے قطری حکام سے موخر ادائیگیوں پر ایل این جی کی فراہمی اورگیس کی قیمتوں پر نظرثانی کی درخواست کریں گے۔

سعودی عرب اور متحدہ عرب امارات نے اسٹیٹ بینک آف پاکستان میں 6ارب ڈالرجمع کرانے اور ادائیگیوں میں توازن کیلیے موخرادائیگیوں پر 4ارب مالیت کا تیل دینے کا اعلان کرچکے ہیں،پاکستان کا ایل این جی کا سالانہ درآمدی بل تقریباً چار ارب ڈالر ہے اور وزیراعظم کی جانب سے ایل این جی کی کریڈٹ فیسیلیٹی میں ایک سال تک توسیع کرائے جانے کاامکان ہے۔