جرمن فوج کا ملٹری ایڈوائزر ایران کے لیے مبینہ جاسوسی کے الزام میں گرفتار

 بدھ 16 جنوری 2019
جرمنی کے وفاقی استغاثہ نے ایک بیان میں مذکورہ فوجی افسر کی گرفتاری کی تصدیق کی ہے، فوٹو: فائل

جرمنی کے وفاقی استغاثہ نے ایک بیان میں مذکورہ فوجی افسر کی گرفتاری کی تصدیق کی ہے، فوٹو: فائل

جرمن فوج کے ایک ملٹری ایڈوائزر کو ایران کے لیے مبینہ طور پر جاسوسی کے الزام میں گرفتار کرلیا گیا۔

بین الاقوامی میڈیا رپورٹس کے مطابق گرفتار افسر کی شناخت 50 سالہ عبدالحامد کے نام سے ہوئی جو افغان نژاد جرمن ہے، جرمنی کے وفاقی استغاثہ نے ایک بیان میں مذکورہ فوجی افسر کی گرفتاری کی تصدیق کی ہے۔

استغاثہ کا کہنا ہے کہ عبدالحامد مسلح افواج میں زبان اور ثقافت کے معاملات میں بطور ایڈوائرز ذمہ داریاں نبھا رہا تھا اور اس امر کو یقینی طور پر کہا جاسکتا ہے کہ ملزم نے دوران ملازمت ایران کی خفیہ ایجنسی کو حساس معلومات فراہم کی ہیں۔

رپورٹس میں کہا گیا ہے کہ مبینہ طور پر ملزم کئی برس سے جرمن فوج میں رہتے ہوئے ایران کی خفیہ ایجنسیوں کے لیے کام کر رہا تھا، ملازمت کے دوران مذکورہ افسر کو اہم ترین خفیہ معلومات بشمول افغانستان میں فوجیوں کی تعیناتی تک دسترس حاصل تھی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔