راؤ انوار کو رعایتیں نہیں بلکہ سزا ملنی چاہئے، شیریں مزاری

وفاقی وزیر انسانی حقوق شیریں مزاری نے کہا ہے کہ لوگوں کو لاپتہ کرنے کا سلسلہ اب ختم ہوجانا چاہیے۔

قومی اسمبلی میں اظہار خیال کرتے ہوئے وفاقی وزیر انسانی حقوق شیریں مزاری نے کہا کہ لوگوں کو لاپتہ کرنے کا سلسلہ اب ختم ہوجانا چاہئے، اس معاملے پر ہم آگے بڑھ رہے ہیں اور ہمیں یہ سلسلہ روکنا ہے، راؤ انوار کو دی گئی رعایتیں غلط ہیں، اسے رعایتیں نہیں بلکہ سزا ملنی چاہئے۔ ایک سوال کے جواب میں انہوں نے کہا کہ طاہر داوڑ پر وزیر مملکت برائے داخلہ شہریار آفریدی جواب دیں گے۔

و زیر انسانی حقوق ڈاکٹر شیریں مزاری کا قومی اسمبلی میں اظہار خیال
سابق ایس ایس پی راؤانوار کو سزا ملنی چاہئے@ShireenMazari1 pic.twitter.com/BXzo5zoiiZ

— PTV News (@PTVNewsOfficial) January 16, 2019

شیریں مزاری نے کہا کہ سپریم کورٹ کے حکم پر بلاول بھٹو زرداری کا نام ای سی ایل سے نکالنے کے معاملے پر کابینہ کا اجلاس کل ہوگا جس میں غور کیا جائے گا، پی این آئی ایل لسٹ ہمارے لئے ایک خبر تھی۔