نواب شاہ میں ڈکیتیاں، 45 لاکھ کے زیورات و نقدی لوٹ لی گئی

نوابشاہ:   نواب شاہ میں جرائم میں کمی نہ آسکی، لاکھوں روپے کی مزید 2 ڈکیتیاں ہوگئیں۔

تفصیلات کے مطابق گزشتہ شب بی سیکشن پولیس اسٹیشن کی حدود میں واقع جام صاحب روڈ پر 3 نامعلوم مسلح افراد حیسکو کے لائن سپرنٹنڈنٹ ملک نظام کے گھر داخل ہوئے۔

اہل خانہ کو یرغمال بناکر 20 لاکھ روپے مالیت کے طلائی زیورات، نقدی اور دیگر قیمتی سامان لوٹ کر فرار ہوگئے۔ علاوہ ازیں ڈاکوؤں نے مزکورہ علاقے میں شاہد مغل کے گھر داخل ہوئے اور اہل خانہ کو یرغمال بناکر 25 لاکھ روپے مالیت کے طلائی زیورات، نقدی اور دیگر قیمتی سامان لوٹ لیا۔