ٹوئٹر نے وزیراعلیٰ پنجاب کے ترجمان کا اکاؤنٹ معطل کردیا

 لاہور: ٹویٹر انتظامیہ نے وزیراعلیٰ پنجاب عثمان بزدار کے ترجمان شہباز گل کا اکاؤنٹ معطل کردیا۔

ایکسپریس نیوز کے مطابق سماجی رابطے کی ویب سائٹ ٹویٹر نے وزیراعلیٰ پنجاب عثمان بزدار کے ترجمان شہباز گل کا ٹویٹر اکاؤنٹ معطل کردیا، وہ سوشل میڈیا پر کافی متحرک تھے اور ویڈیو پیغامات کے ذریعے وزیراعلیٰ پنجاب کا مؤقف عوام تک پہنچاتے تھے۔

پاکستان تحریک انصاف نے اپنے ٹویٹر اکاؤنٹ پر خبر کی تصدیق کرتے ہوئے ٹویٹ کیا کہ وزیراعلیٰ پنجاب کے ترجمان کا ٹویٹر اکاؤنٹ معطل کردیا گیا ہے جب کہ انہوں نے ٹویٹر کی کسی پالیسی کی خلاف ورزی نہیں کی، لہذا ٹویٹر سے معاملے کو دیکھنے اور اکاؤنٹ فوری بحال کرنے کا مطالبہ کرتے ہیں۔

@Twitter – Dr Shahbaz Gill – Official spokesperson of Chief Minister Punjab @UsmanAKBuzdar , his account has been suspended when there was NO violation of any Twitter policy or rules.
Would request twitter to look into it and lift the suspension immediately. @verified pic.twitter.com/t4XjX3phuS

— PTI (@PTIofficial) January 18, 2019

واضح رہے کہ ٹویٹر اکاؤنٹ استعمال کرنے کے لیے انتظامیہ نے واضح پالیسی ترتیب دے رکھی ہے کہ پرتشدد اور تضحیک آمیز مواد کی تشہیر کرنے والے کا اکاؤنٹ بند کر دیا جاتا ہے، بعض اوقات کسی غلط فہمی کے نتیجے میں بھی ٹویٹر اکاؤنٹ معطل کر دیا جاتا ہے تاہم اکاؤنٹ استعمال کرنے والے شخص کی شکایت پر معطل شدہ اکاؤنٹ بحال بھی کردیا جاتا ہے۔