بہاولپور میں خاتون کے ہاں شادی کے 9 سال بعد بیک وقت 6 بچوں کی پیدائش

ویب ڈیسک  پير 21 جنوری 2019
حنا خاتون نے 4 بیٹیوں اور 2 بیٹوں کو جنم دیا جن میں سے ایک بیٹی انتقال کرگئی فوٹو: ایکسپریس

حنا خاتون نے 4 بیٹیوں اور 2 بیٹوں کو جنم دیا جن میں سے ایک بیٹی انتقال کرگئی فوٹو: ایکسپریس

بہاول پور: سول ہسپتال میں خاتون نے بیک وقت 6 بچوں کو جنم دیا ہے تاہم ان میں سے ایک بچی انتقال کرگئی ہے۔

سول ہسپتال بہاولپور میں خاتون کے ہاں 6 بچوں کی پیدائش ہوئی ہے۔ جلال پور پیر والا کی رہائشی 28 سالہ حنا نامی خاتون نے 4 بیٹیوں اور 2 بیٹوں کو جنم دیا۔

عزیز و اقارب نے بتایا کہ خاتون کے ہاں شادی کے 9 سال بعد بچوں کی پیدائش ہوئی ہے جس پر والدین اور رشتے داروں میں خوشی کی لہر دوڑ گئی۔ ان کے ساتھ ساتھ اسپتال کے عملے اور دیگر خواتین نے بھی خوشی اور مسرت کا مظاہرہ کیا۔

اسپتال انتظامیہ کے مطابق افسوس ناک طور پر ایک بچی پیدائش کے چند گھنٹوں بعد انتقال کرگئی۔ جاں بحق ہونے والی بچی کا وزن بہت کم 0.2 کلو گرام تھا۔ اسپتال انتظامیہ نے بچوں کی طبیعت میں بہتری کےلیے انکیوبیٹر میں رکھا ہوا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔