- یوٹیلیٹی اسٹورز پرمتعدد اشیا کی قیمتوں میں اضافہ
- آئی ایم ایف کی ایک اور شرط قبول، حکومت کا بجلی مزید مہنگی کرنیکا فیصلہ
- شاہین کا ڈیزائن کردہ لاہور قلندرز کا نیا لوگو زیر بحث آگیا
- پختونخوا کو انسداددہشت گردی کیلیے اربوں روپے دیے، کہاں گئے؟ وزیراعظم
- یورپی حکومتیں قرآن کی بے حرمتی کے واقعات کا سدباب کریں؛ سعودی عرب
- کراچی میں غیر قانونی تعمیرات کے کیسز کی بھرمار ہوچکی، سندھ ہائیکورٹ
- خود کش حملہ آور مہمانوں کے روپ میں اندر آیا، تفتیشی ٹیم
- پیٹرول، ڈیزل بڑے اضافے کے باوجود عوام کی پہنچ سے دور
- جسٹس فائز عیسیٰ کے پشاور خودکش حملے کے حوالے سے اہم ریمارکس
- عمران خان کا توہین الیکشن کمیشن کیس سننے والے ارکان پر اعتراض
- پی ایس ایل8؛ لاہور میں کتنے سیکیورٹی اہلکار میچ کے دوران فرائض نبھائیں گے؟
- مسلح افراد تاجر سے 3 لاکھ امریکی ڈالر چھین کر فرار
- پنجاب میں نگراں حکومت اور ایڈووکیٹ جنرل آفس کے درمیان شدید تنازعہ
- الیکشن سے پہلے امن و امان کو دیکھا جائے، گورنر کے پی کا الیکشن کمیشن کو خط
- سپریم کورٹ نے نیب ترامیم سے ختم ہونیوالے کیسز کا ریکارڈ طلب کرلیا
- عمران خان نے مبینہ بیٹی ٹیریان کو چھپانے کے کیس میں جواب جمع کرادیا
- لاہور میں ریسٹورنٹس رات 11 بجے تک کھولنے کی اجازت
- شاہد خاقان عباسی نے پارٹی عہدے سے استعفیٰ دینے کی تردید کردی
- بنگلہ دیش پریمئیر لیگ؛ کون سے پاکستانی کرکٹرز کو لیگ کھیلنے کی اجازت مل گئی؟
- گردشی قرضے سے جان چھڑانے کیلیے نیا غیرحقیقت پسندانہ منصوبہ
اوپیک سربراہ کی امریکی سفیر کیساتھ کراچی اسٹاک ایکسچینج آمد
کراچی: اوورسیزپرائیویٹ انویسٹمنٹ کارپوریشن (اوپی آئی سی۔اوپیک) کی صدر و سی ای او ایلزبتھ ایل لٹل فیلڈ کراچی اسٹاک ایکسچینج کے دورے کے دوران گونگ بجا کر کاروباری سرگرمیاں کا آغاز کر رہی ہیں، امریکی سفیر رچرڈ اولسن بھی موجود ہیں۔ فوٹو: این این آئی
کراچی: صدر اور چیف ایگزیکٹو آفیسر یوایس اوورسیزپرائیویٹ انویسٹمنٹ کارپوریشن (اوپی آئی سی) ایلزبتھ ایل لٹل فیلڈ نے جمعرات کو کراچی اسٹاک ایکسچینج کا دورہ کیا اور ٹریڈنگ سیشن کے آغاز کے لیے گونگ بجایا۔
اس موقع پر امریکی سفیر رچرڈ اولسن اور کراچی میں تعینات قونصل جنرل مائیکل ڈوڈمین بھی موجود تھے۔ اس موقع پر ایلزبتھ ایل لٹل فیلڈ نے کہاکہ پائیدار اقتصادی نمو اور ملازمتوں کی فراہمی کے لیے پرائیوٹ کیپٹل انویسٹمنٹ ایک طاقت ور محرک ہے۔ انھوں نے اس یقین کا اظہار کیا کہ اس نجی کیپٹل سرمایہ کاری سے امریکی اور پاکستانی کمپنیوں کے درمیان شراکت قائم کرنے میں مدد ملے گی۔ اوپیک چیف نے آغاخان یونیورسٹی کے ساتھ آغاخان اسپتال ومیڈیکل کالج کی توسیع کے حوالے سے شراکت کی جانب اشارہ کیا اور زراعت، تعلیم، ٹرانسپورٹیشن، مائیکروفنانس، روڈ ٹرانسپورٹ جیسے شعبوں میں سرمایہ کاری کے حوالے سے بھی بات چیت کی۔
انھوں نے حکومت کی جانب سے سرمایہ کاری کے تحفظ اور سازگار کاروباری ماحول کی فراہمی کے اشارے دینے کا حوالہ دیتے ہوئے کہا کہ اوپی آئی سی ہم خیال مشن کے لیے شراکت دار تلاش کررہی ہے جس سے پاکستانی عوام کی فلاح پر توجہ دی جا سکے۔ انھوں نے کہا کہ کئی پارٹنرانویسٹرز کی جلد کراچی اسٹاک ایکسچینج میں لسٹنگ ہوگی۔ انھوں نے توانائی، تعلیم، ہیلتھ کیئر، انفرااسٹرکچر، کمیونی کیشن، مالیاتی خدمات اور دلچسپی کے دیگر شعبوں کے حوالے سے بھی بات چیت کی۔ اس موقع پر امریکی سفیر رچرڈ اولسن نے کہا کہ کراچی پاکستان کا اقتصادی وتجارتی مرکز ہے، پاکستان میں صنعت وتجارت کا فروغ امریکا کی ترجیح ہے۔
انھوں نے کہاکہ اوپیک چیف کے دورہ پاکستان نے دبئی میں حال ہی میں منعقد ہونے والی یوایس پاکستان بزنس اپرچیونیٹی کانفرنس کی کامیابی کو وسعت دی ہے۔ انھوں نے پاک امریکا باہمی تعلقات میں ’’امداد نہیںتجارت‘‘ کے پہلو پربھی بات کی۔ قبل ازیں منیجنگ ڈائریکٹر کے ایس ای ندیم نقوی نے اپنے استقبالیہ خطبے میں کہا کہ اوپیک چیف کی موجودگی پاکستان کی نجی شعبے کے ذریعے ترقی کی بحالی کا ثبوت ہے، نجی شعبہ روزگار، آمدنی اور ترقی کا انجن ہے۔ بعدازاں اوورسیزپرائیویٹ انویسٹمنٹ کارپوریشن کی سربراہ نے کے ایس ای کی اعلیٰ انتظامیہ کے ساتھ اجلاس میں شرکت کی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔