- ڈکیتی کے ملزمان سے رشوت لینے کا معاملہ؛ ایس ایچ او، چوکی انچارج گرفتار
- کراچی؛ ڈاکو دکاندار سے ایک کروڑ روپے نقد اور موبائل فونز چھین کر فرار
- پنجاب پولیس کا امریکا میں مقیم شہباز گِل کیخلاف کارروائی کا فیصلہ
- سنہری درانتی سے گندم کی فصل کی کٹائی؛ مریم نواز پر کڑی تنقید
- نیویارک ٹائمز کی اپنے صحافیوں کو الفاظ ’نسل کشی‘،’فلسطین‘ استعمال نہ کرنے کی ہدایت
- پنجاب کے مختلف شہروں میں ضمنی انتخابات؛ دفعہ 144 کا نفاذ
- آرمی چیف سے ترکیہ کے چیف آف جنرل اسٹاف کی ملاقات، دفاعی تعاون پر تبادلہ خیال
- مینڈھے کی ٹکر سے معمر میاں بیوی ہلاک
- جسٹس اشتیاق ابراہیم چیف جسٹس پشاور ہائی کورٹ تعینات
- فلاح جناح کی اسلام آباد سے مسقط کیلئے پرواز کا آغاز 10 مئی کو ہوگا
- برف پگھلنا شروع؛ امریکی وزیر خارجہ 4 روزہ دورے پر چین جائیں گے
- کاہنہ ہسپتال کے باہر نرس پر چھری سے حملہ
- پاکستان اور نیوزی لینڈ کا پہلا ٹی ٹوئنٹی بارش کی نذر ہوگیا
- نو منتخب امیر جماعت اسلامی حافظ نعیم نے اپنے عہدے کا حلف اٹھا لیا
- تعصبات کے باوجود بالی وڈ میں باصلاحیت فنکار کو کام ملتا ہے، ودیا بالن
- اقوام متحدہ میں فلسطین کی مستقل رکنیت؛ امریکا ووٹنگ رکوانے کیلیے سرگرم
- راولپنڈی میں گردوں کی غیر قانونی پیوندکاری میں ملوث گینگ کا سرغنہ گرفتار
- درخشاں تھانے میں ملزم کی ہلاکت؛ انکوائری رپورٹ میں سابق ایس پی کلفٹن قصور وار قرار
- شبلی فراز سینیٹ میں قائد حزب اختلاف نامزد
- جامعہ کراچی ایرانی صدر کو پی ایچ ڈی کی اعزازی سند دے گی
فائر بریگیڈ کے عملے کی تربیت شروع، کراچی میں 200 فائر اسٹیشنز کی ضرورت ہے، ہاشم رضا
کراچی: ایڈمنسٹریٹر بلدیہ عظمیٰ ہاشم رضا زیدی نے کہا ہے کہ شہریوں کی جان و مال کا تحفظ ہماری اولین ترجیح ہے۔
محکمہ فائر بریگیڈ کو آگ پر قابو پانے اور ہنگامی حالت سے نمٹنے کے لیے نہ صرف یہ کہ جدید تقاضوں سے ہم آہنگ کیا جارہا ہے بلکہ جدید آلات اور تربیت بھی فراہم کی جارہی ہے ،یہ بات انھوں نے اوشین مال کلفٹن کے سامنے نئے فائر اسٹیشن کے قیام کے لیے جگہ کا معائنہ اور افسران کو ہدایات دیتے ہوئے کہی،اس موقع پر ڈائریکٹر ٹیکنیکل سروسز نیازاحمد سومرو ، سینئر ڈائریکٹر میونسپل سروز مسعود عالم ، ڈائریکٹر مشین پول نعمان ارشد اور دیگر متعلقہ افسران بھی موجود تھے۔
ایڈمنسٹریٹر بلدیہ عظمیٰ کراچی سید ہاشم رضا زیدی نے کہا کہ کراچی کی بڑھتی ہوئی آبادی کے پیش نظر کراچی میں تقریباً 200 فائر اسٹیشنزکی ضرورت ہے جبکہ اس وقت کراچی میں صرف 22 فائر اسٹیشنز موجودہیں تاہم وسائل کی کمی کے باوجود فائر اسٹیشنز کی تعداد میں نہ صرف یہ کہ اضافے کے لیے ہر ممکنہ اقدامات کیے جارہے ہیں بلکہ دستیاب وسائل میں رہتے ہوئے فائربریگیڈ کے تقریباً 250 افسران اور عملے کو جدید تربیت بھی دی گئی ہے، انھوں نے کہا کہ شہر کے 22 فائر اسٹیشنوں پر تقریباً 1350 افسران اور عملہ موجود ہے جو شہریوں کی خدمت کے جذبے سے سرشار ہے، انھوں نے کہا کہ نہر خیام کے کنارے نئے فائراسٹیشن کے قیام کا مقصد یہاں کی آبادی اورقریبی علاقے کو سہولتیں فراہم کرنا ہے، انھوں نے کہا کہ بوٹ بیسن پر سیکڑوں کی تعداد میں اشیائے خورو نوش کی دکانیں اور ریسٹورینٹس موجود ہیں۔
جہاں بیک وقت ہزاروں افراد موجود ہوتے ہیں ان دکانوں اور ریسٹورینٹس میں چولہے کے استعمال کے باعث آگ لگنے کے امکانات موجود ہوتے ہیں، انھوں نے کہا کہ یہ فائراسٹیشن ایک بہت بڑی آبادی جس میں کلفٹن ، بوٹ بیسن ، شیریں جناح کالونی اور سی ویو سمیت اطراف کے دیگر علاقے شامل ہیں کو سہولتیں فراہم کرے گا، انھوں نے کہا کہ محکمہ فائر بریگیڈ اور ریسکیو یونٹ نہ صرف آگ لگنے کی صورت میں شہریوں کی املاک اور جان و مال کو بچانے کے لیے مستعدی سے خدمات انجام دیتا ہے بلکہ قدرتی آفات و حادثات میں بھی محکمہ فائر بریگیڈ شہریوں کی خدمت میں مصروف عمل رہتا ہے۔
انھوں نے کہا کہ سپر ہائی وے پر فائربریگیڈ کے عملے اور افسران کی تربیت کے لیے بلدیہ عظمیٰ کراچی نے اربن سرچ اینڈ ریسکیو اکیڈمی قائم کی ہے جہاں ماہرین اور بین الاقوامی شہرت یافتہ اساتذہ کرام عملے کو تربیت فراہم کررہے ہیں جبکہ فائربریگیڈ سے متعلق افسران کو جدید تربیت کے لیے بیرون ملک بھی بھیجا جاتاہے، انھوں نے کہا کہ فائرفائٹرز اپنی جان کی پرواہ نہ کرتے ہوئے خدمات انجام دیتے ہیں اس لیے وہ صحیح معنوں میں قوم کے ہیرو ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔